8 saǵattyq jumys rejımin buzǵan mınıstrlikter anyqtaldy
Eske sala ketsek, buǵan deıin Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev segiz saǵattyq jumys kúninen keıin memlekettik organdardaǵy kompıýterlerdiń óshirilýin qadaǵalaýdy tapsyrǵan bolatyn.
Búgin Agenttikte ótken baspasóz máslıhatynda vedomstvonyń memlekettik qyzmet salasyndaǵy baqylaý departamentiniń dırektory Ravıl Tólebaev eki mınıstrlikte segiz saǵattyq jumys rejıminiń buzylǵany anyqtalǵanyn aıtyp ótti.
«Reıdtik is-sharalar barysynda birneshe qyzmetshiler jumys ýaqyty rejımin buzǵany anyqtaldy. Mysaly, Investıtsııalar jáne damý jáne Eńbek jáne halyqty áleýmettik qorǵaý mınıstrlikterinde jumys aıaqtalǵannan keıin keshigýdiń biren-saran faktileri belgili boldy. IDM qyzmetkerleri kidiris sebebi retinde jaýapty hatshynyń apparattyq keńesine jáne Úkimet otyrysyna materıaldar daıyndaý sebebin kórsetti. IDM ókilderiniń jumys ýaqytyn saqtamaý faktilerin joıý boıynsha usynystar retinde ıkemdi jumys kestesin engizýdi usyndy», - deıdi ol.
Ravıl Tólebaevtyń aıtýynsha, Eńbek jáne halyqtyń áleýmettik qorǵaý mınıstrliginiń qyzmetkeri jumys rejıminiń buzylýyn joǵary turǵan memlekettik organdardan kelip túsken tapsyrmalaryna baılanysty ekenin atap kórsetken.