8 naýryz: 6000-daı aqmolalyq kópbalaly anaǵa birjolǵy tólem beriledi
Aqmola oblysynyń jumyspen qamtýdy jáne áleýmettik baǵdarlamalardy úılestirý basqarmasynyń málimetinshe, áleýmettik kómek kórsetý, onyń mólsherin belgileý jáne muqtaj azamattardyń jekelegen sanattarynyń tizbesin aıqyndaý qaǵıdalaryna sáıkes oblystyń toǵyz óńirinde 8 naýryzǵa deıin tólemder anyqtaldy. Ony “Altyn alqa”, “Kúmis alqa” alqalarymen marapattalǵan nemese buryn “Batyr Ana” ataǵyn alǵan kóp balaly analary alady. Mundaı áıelderdiń sany alty myńǵa jýyq.
“Aqmola oblysynyń toǵyz óńirinde: Kókshetaý, Stepnogor, Býrabaı, Birjan sal, Esil, Jaqsy, Jarqaıyń, Zerendi jáne Sandyqtaý aýdandarynda jalpy somasy 101,2 mln teńgege 2-den 5 AEK mólsherinde tólemder jasaý kózdelgen”, - dedi Aqmola oblysynyń jumyspen qamtýdy jáne áleýmettik baǵdarlamalardy úılestirý basqarmasynyń qyzmetkeri Bekzat Kóshkenova.
Aıtýynsha, Kókshetaý jáne Stepnogor qalalarynda kóp balaly analar 5 AEK (18460 tg) mólsherinde tólem alady.
Aıta ketsek, budan buryn Aqmola oblysynda boryshkerlerden 70 mln teńge alıment bereshegi óndirip alynǵanyn jazǵan edik.