8 qazan. Tulǵalar týǵan kún
61 jyl buryn (1962) Qazaqstan Respýblıkasynyń Belarýs Respýblıkasyndaǵy Tótenshe jáne Ókiletti Elshisi Erlan Saparuly BAIJANOV dúnıege keldi.
Almaty qalasynda týǵan. M.V. Lomonosov atyndaǵy Máskeý memlekettik ýnıversıtetin (1985), aspırantýrasyn (1988) támamdaǵan. Fılologııa ǵylymynyń kandıdaty. Jýrnalıst.
Eńbek joly: 1989-1990 jyldary – S.M. Kırov atyndaǵy Qazaq memlekettik ýnıversıtetiniń aǵa oqytýshysy. 1990-1991 jyldary – «Sovety Kazahstana» gazeti redaktsııasynyń parlamenttik sholýshysy, bólim meńgerýshisi. 1991-1996 jyldary kásipkerlik salasynda jumys istedi. 1996-1997 jyldary – SІM baspasóz qyzmetiniń birinshi hatshysy, SІM aqparat jáne baspasóz bóliminiń meńgerýshisi. 1997-2000 jyldary – QR Prezıdenti Baspasóz qyzmetiniń sektor meńgerýshisi. 2000-2001 jyldary QR Úkimetiniń Ekonomıkalyq aqparat ortalyǵynyń basshysy qyzmetin atqardy. 2000-2004 jyldary QR Prezıdenti Baspasóz qyzmeti jetekshisiniń orynbasary bolyp qyzmet etti. 2004-2005 jyldary – QR-nyń Reseıdegi Elshiliginde keńesshi-ýákil, Ujymdyq qaýipsizdik jónindegi Shart uıymynda ókiletti ókil. 2005-2006 jyldary QR Mádenıet, aqparat jáne sport birinshi vıtse-mınıstri qyzmetinde boldy. 2006-2007 jyldary – QR Prezıdentiniń Ákimshiligi Aqparattyq-taldaý ortalyǵynyń meńgerýshisi. 2007-2008 jyldary QR Prezıdentiniń Baspasóz hatshysy bolyp jumys istedi. 2008-2010 jyldary – «Arna medıa» ulttyq aqparattyq holdınginiń basqarma tóraǵasy. 2009-2011 jyldary – «Samuryq-Qazyna» AQ-nyń basqarýshy dırektory, 2011-2014 jyldary – «Nur Medıa» holdınginiń bas dırektory, 2014-2019 jyldary – «Medıa Konsýl» jekemenshik kompanııasynyń bas dırektory, Qazaqstan Ulttyq kásipkerler palatasy prezıdıýmynyń tóraǵasynyń keńesshisi; Qazaqstan Respýblıkasynyń Reseı Federatsııasyna jiberilgen ýákil keńesshisi qyzmetin atqardy. 2019-2023 jyldary Vetnam Sotsıalıstik Respýblıkasyndaǵy Tótenshe jáne Ókiletti Elshisi, Kambodja Koroldigindegi, Laos Halyq Demokratııalyq Respýblıkasyndaǵy Tótenshe jáne Ókiletti Elshisi qyzmetin qosa atqarýshy qyzmetinde boldy.
2023 jyldan beri qazirgi qyzmetinde.
«QR Táýelsizdigine 10 jyl», «Astanaǵa 10 jyl», «Eren eńbegi úshin» mereıtoılyq medaldarymen, QR Prezıdentiniń Alǵys hatymen marapattalǵan.
52 jyl buryn (1971) Qazaqstan Respýblıkasy Qarýly Kúshteri Qurlyq áskerleriniń Zymyran áskerleri men artıllerııa burynǵy qolbasshysy Asqar Ahmetuly JOLAMANOV dúnıege kelgen.
Shyǵys Qazaqstan oblysynda týǵan. V.I. Lenın atyndaǵy Qazaq polıtehnıkalyq ınstıtýtyn bitirgen (1993); Qazaq polıtehnıkalyq ınstıtýty janyndaǵy áskerı daıyndyqtan ótken (1992).
Eńbek joly: 1994-1995 jyldary – vzvod komandırinen bastap shtab bastyǵy - áskerı bólim komandıriniń orynbasaryna deıingi ártúrli laýazymdarda qyzmet atqardy. 2005-2007 jyldary Mıhaılov áskerı artıllerııalyq akademııasynyń tyńdaýshysy boldy. 2007 jyly 29108 áskerı bólimi komandıriniń orynbasary qyzmetin atqardy. 2007-2011 jyldary – 10181 áskerı bóliminiń komandıri. 2011-2012 jyldary Aeroutqyr áskerleri qolbasshysynyń oq atýmen zaqymdaý jónindegi orynbasary - QR QK AeUÁ qolbasshysy basqarmasy ásker tekteri artıllerııasynyń bastyǵy. 2012-2013 jyldary QR QK AeUÁ qolbasshysy basqarmasy zymyran áskerleri men artıllerııa bastyǵy boldy. 2013-2015 jyldary – Ulttyq qorǵanys ýnıversıteti ÁMB fakýltetiniń tyńdaýshysy, 2015-2017 jyldary QR QK Zymyran áskerleri men artıllerııa qolbasshysynyń birinshi orynbasary - shtab bastyǵy, 2017-2019 jyldary Zymyran áskerleri men artıllerııa qolbasshysynyń orynbasary - QR QK Zymyran áskerleri men artıllerııa qolbasshysy basqarmasynyń shtab bastyǵy qyzmetin atqarǵan. 2018-2022 jyldary – QR Qarýly Kúshteri Qurlyq áskerleriniń Zymyran áskerleri men artıllerııa qolbasshysy. 2020 jyly general-maıor shenin alǵan.
52 jyl buryn (1971) Qazaqstan Respýblıkasynyń Qazandaǵy bas konsýly Erlan Uzanuly YSQAQOV dúnıege kelgen.
Qazaq Memlekettik basqarý akademııasyn bitirgen, ekonomıst (1993).
Eńbek joly: 1993-1998 jyldary SІM júıesinde ártúrli laýazymdarda jumys istedi, 2002-2008 jyldary onda ártúrli basshylyq jumystardy atqardy. 2008-2014 jyldary – Almaty qalasyndaǵy «METRO Kesh&Kerrı» JShS kompanııasy bas dırektorynyń orynbasary. 2014-2017 jyldary Germanııa Federatıvtik Respýblıkasyndaǵy QR Elshiliginiń Keńesshisi, keńesshi-ýákili, 2018-2019 jyldary QR SІM Syrtqy ekonomıkalyq saıasat departamenti dırektorynyń orynbasary, 2019-2021 jyldary QR Syrtqy ister mınıstrliginiń Almaty qalasyndaǵy ókildiginiń basshysy (2019-2021), 2021 jyly QR SІM apparatynyń jetekshisi qyzmetin atqarǵan.
І synypty Keńesshi dıplomatııalyq dárejesi bar.
2021 jyldyń qyrkúıek aıynan beri qazirgi qyzmetinde.
47 jyl buryn (1976) Qazaqstan Respýblıkasy Syrtqy ister mınıstriniń orynbasary Ermuhambet Bolatbekuly QONYSPAEV dúnıege keldi.
Almaty qalasynda týǵan. Ál-Farabı atyndaǵy Qazaq ulttyq ýnıversıtetiniń Halyqaralyq qatynastar fakýltetin, Ahen qalasyndaǵy Reın-Vestfal tehnıkalyq ýnıversıtetiniń magıstratýrasyn Eýropalyq zertteýler mamandyǵy boıynsha bitirdi. QR Prezıdentiniń «Bolashaq» halyqaralyq bilim berý stıpendııasynyń túlegi.
Dıplomatııalyq qyzmetin QR Syrtqy ister mınıstrliginiń júıesinde 2001 jyly Ekijaqty yntymaqtastyq departamentiniń attashesinen bastady. 2002-2003 jyldary – Qazaqstannyń Germanııadaǵy Elshiliginde attashe. 2003-2007 jyldary Qazaqstannyń Aýstrııadaǵy Elshiliginde attashe, úshinshi jáne ekinshi hatshy qyzmetin atqardy. 2008 jyly QR Parlamenti Májilisiniń Halyqaralyq ister, qorǵanys jáne qaýipsizdik komıtetine aǵa keńesshi retinde jumysqa aýysty. 2008-2014 jyldary Qazaqstannyń Germanııadaǵy Elshiliginiń birinshi hatshysy jáne keńesshisi bolyp jumys istedi. 2014-2017 jyldary – Syrtqy ister mınıstrliginiń Syrtqy ekonomıkalyq saıasat departamenti dırektorynyń orynbasary. 2017 jyldyń tamyz aıynan qazan aıyna deıin SІM Eýrazııalyq ıntegratsııa departamenti dırektorynyń mindetin ýaqytsha atqarýshy boldy. 2017-2019 jyldary – SІM Eýrazııalyq ıntegratsııa departamentiniń dırektory. 2019-2022 jyldary – QR-nyń Maındaǵy Frankfýrt qalasyndaǵy (Germanııa) Bas konsýly.
2022 jyldyń sáýir aıynan bastap qazirgi qyzmetinde.
45 jyl buryn (1978) Qazaqstan Respýblıkasynyń Pákistan Islam Respýblıkasyndaǵy Tótenshe jáne Ókiletti Elshisi Erjan Sansyzbaıuly QYSTAFIN dúnıege keldi.
Qaraǵandyda týǵan. E. Bóketov atyndaǵy Qaraǵandy memlekettik ýnıversıtetin támamdap, halyqaralyq zańger mamandyǵyn alǵan. Odan keıin Brıýssel qalasyndaǵy Eýropalyq halyqaralyq strategııalyq zertteýler ınstıtýtynan halyqaralyq qatynastar magıstri bolyp shyǵady.
Eńbek joly: 1999 jyly – Nur-Sultan qalasy ádilet basqarmasynyń sot prıstavy; 2001-2002 jyldary – QR Qarjy mınıstrligi zań qyzmeti departamentinde qyzmet, QR SІM halyqaralyq quqyq departamentinde attashe. 2002-2005 jyldary – QR SІM apparatynyń zań bóliminiń úshinshi hatshysy, bastyǵy; 2005-2007 jyldary – QR SІM memlekettik til jáne zań saraptamasy basqarmasynyń bastyǵy; 2007-2009 jyldary – QR SІM ákimshilik departamenti dırektorynyń orynbasary; 2009-2010 jyldary – QR SІM ákimshilik departamentiniń dırektory; 2010-2015 jyldary – QR-nyń Belgııadaǵy elshiliginiń keńesshi ýákili; 2016-2019 jyldary – QR SІM Ákimshilik jáne baqylaý departamentiniń jetekshisi; 2019-2021 jyldary – QR-nyń AQSh-taǵy keńesshi ýákili.
2021 jyldyń mamyr aıynan bastap qazirgi qyzmetinde.