8 qańtar. Tulǵalar týǵan kún

ASTANA. QazAqparat – Búgin, ıaǵnı 8 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

83 jyl buryn (1940) belgili jýrnalıst-aýdarmashy Jarylqasyn NUSQABAIULYdúnıege keldi.

Ońtústik Qazaqstan oblysy Otyrar aýdanynda týǵan. Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen.

Eńbek jolyn qazaq teledıdarynda bastap, bas redaktory qyzmetine deıin kóterilgen.

Qazaq telegraf agenttiginiń (búgingi «QazAqparat» HAA) aýdarmashy-redaktory, «Jalyn» baspasynyń bólim meńgerýshisi, «Mektep» baspasynyń bas redaktory, dırektory qyzmetterin atqarǵan.

Balalarǵa arnalǵan kitapshalardyń, «Qazaq jýrnalıstıkasynyń tarıhy», «Kóne basylymdar, aıaýly esimder», «Alty alashtyń ardaqtylary» atty ǵylymı-pedagogıkalyq eńbekterdiń avtory. H. Andersenniń «Ertegiler jınaǵyn», «Slovak halyq ertegileri», «Sibir halyqtarynyń ertegilerin», Sh. Álimbaevtyń «Danalyq sýbstantsııasy» romanyn, E. Kobalevtiń «Ho Shı Mın» ǵumyrnamasyn, «Shańqaı túste kóleńkeler qalmaıdy» dep atalatyn 7 serııaly kórkem fılmdi, «Alasurtqan aqsha» kórkem fılmin, túrikmen jazýshylary H. Hallyevtiń «Jol», Sh. Charyevtyń «Saz syrnaıshy», belarýs, qyrǵyz, tájik, orys, armıan jazýshylarynyń áńgime, povesterin aýdarǵan. Ońtústik Qazaqstan oblysy Otyrar aýdanynyń qurmetti azamaty.

66 jyl buryn (1957) Qazaqstan Respýblıkasy Joǵarǵy sotynyń sýdıasy Aqyltaı Ahmetjanuly QASYMOV dúnıege kelgen.

Túmen oblysynda (RSFSR) týǵan. S. Kırov atyndaǵy Qazaq memlekettik ýnıversıtetin quqyqtaný mamandyǵymen bitirgen (1980).

Eńbek joly: «Alma-Ataotdelstroı» tresiniń sylaqshysy (1974-1975), Soltústik Qazaqstan oblysy Sokolov aýdandyq prokýratýrasynyń taǵylymger tergeýshisi (10.1980-11.1980), Soltústik Qazaqstan oblysy Mámlút aýdandyq prokýratýrasynda taǵylymger (1980-1981); Petropavl qalasy Kýıbyshev aýdandyq prokýratýrasynda taǵylymger, tergeýshi, aǵa tergeýshi (1981-1983), Soltústik Qazaqstan oblystyq sotynyń sýdıasy (1983-1987), Petropavl oblystyq sotynyń azamattyq ister jónindegi sot alqasy tóraǵasynyń orynbasary (1987-1990), Jezqazǵan oblystyq sotynyń tóraǵasy (1990-1993), Aqmola oblystyq sotynyń tóraǵasy (1993-1999), Qaraǵandy oblystyq sotynyń tóraǵasy (1999-2004), Qazaqstan Respýblıkasy Joǵarǵy sotynyń sýdıasy (2004-2010), Qazaqstan Respýblıkasy Joǵarǵy sotynyń qylmystyq ister jónindegi qadaǵalaýshy sot alqasynyń tóraǵasy (2010-2015).

Qazirgi laýazymyn 2015 jyldyń naýryzynan beri atqaryp keledi.

«Qurmet» ordenimen (2002), «Qazaqstan Respýblıkasynyń Táýelsizdigine 10 jyl» (2001), «Qazaqstan Konstıtýtsııasyna 10 jyl» (2005) medaldarymen marapattalǵan.

54 jyl buryn (1969) Qazaqstan Respýblıkasynyń memlekettik qaıratkeri Qanat Aldabergenuly BOZYMBAEV dúnıege keldi.

Almaty qalasynda týǵan. Qazaq memlekettik basqarý akademııasyn bitirgen.

1994-1997 jyldary – Almaty qalasy ákiminiń kómekshisi, 1997-1998 jyldary – jekemenshik kompanııanyń ekonomıka máseleleri jónindegi dırektory, QR Ekonomıka jáne saýda mınıstrligi aýmaqtyq saıasat bóliminiń bastyǵy, Qarjy departamentiniń bastyǵy, «QazTransOıl» JAQ ekonomıka jónindegi vıtse-prezıdenti, 1998-1999 jyldary – QR Energetıka, ındýstrııa jáne saýda mınıstrligi Munaı jáne gaz departamentiniń dırektory, 1999-2000 jyldary – «QazTransOıl» JAQ, «Azyq-túlik kelisimshart korporatsııasy» JAQ Dırektorlar keńesiniń múshesi, 2000-2001 jyldary – QR Energetıka, ındýstrııa jáne saýda vıtse-mınıstri, 2001-2008 jyldary – «KEGOK» AAQ birinshi vıtse-prezıdenti, prezıdenti, «Samuryq» memlekettik aktıvterdi basqarýdyń qazaqstandyq holdıngi» aktsıonerlik qoǵamynyń tóraǵasy qyzmetterin atqarǵan. 2008 jyldan – «KEGOC» aktsıonerlik qoǵamynyń prezıdenti, 2009-2013 jyldary – Jambyl oblysynyń ákimi, 2013-2016 jyldary – Pavlodar oblysynyń ákimi, 2016-2019 jyldary – QR Energetıka mınıstri boldy. 2019-2021 jyldary – QR Prezıdentiniń kómekshisi, 2021-2022 jyldary – Almaty oblysynyń ákimi qyzmetin atqardy.

«Qurmet» (2005), «Parasat», «Barys» ordenderimen, «Astanaǵa 10 jyl» (2008), «Qazaqstan Respýblıkasynyń Táýelsizdigine 20 jyl» (2011), «Astanaǵa 20 jyl» (2018) medaldarymen marapattalǵan.

36 jyl buryn (1987) QR Strategııalyq josparlaý jáne reformalar agenttigi Ulttyq statıstıka bıýrosy basshysynyń orynbasary Dúbirova Jannat Balǵabaıqyzy dúnıege keldi.

Qostanaı qalasynda týǵan. L. Gýmılev atyndaǵy Eýrazııa ulttyq ýnıversıtetin tehnıka jáne tehnologııa mamandyǵy boıynsha támamdaǵan (2008), Manchester ýnıversıtetinde (Ulybrıtanııa) aqparattyq tehnologııalar jáne IT menedjment magıstri atanǵan (2015).

Eńbek joly: metaderekter ákimshisi, «Bimash» JShS jobalar jetekshisi (2006-2008), «Tsesnabank» AQ ATD bas menedjeri (2008-2010), ENRC Logistics kólik toby IT dırektorynyń orynbasary (2010-2012), IT Performance manager ENRC Group (2012-2013), «PricewaterhouseCoopers» (PwC) JShS-de Advisory manager (2013-2016), «Astana Innovations» AQ Basqarma tóraǵasynyń orynbasary (2016-2017), Astana (Nur-Sultan) qalasy ákimdiginiń ShJQ «Qalalyq monıtorıng jáne jedel áreket etý ortalyǵy» MKK basshysy (2017-2022).

Qazirgi qyzmetin 2022 jyldyń mamyr aıynan atqaryp keledi.