8 gıdrotehnıkalyq nysan memleket menshigine ótti – mınıstrlik

<p>ASTANA. KAZINFORM - 2023 jyly Qazaqstanda 4 ıesiz qalǵan bóget, 1 sý qoımasy jáne 3 toǵan memleket menshigine ótti, dep habarlaıdy QR Sý resýrstary jáne ırrıgatsııa mınıstrliginiń baspasóz qyzmeti.</p>

Bul Aqtóbe oblysyndaǵy 4 bóget, sondaı-aq Shyǵys Qazaqstan oblysyndaǵy 3 toǵan men sý qoımasy. Elimizde jalpy sany 22 gıdrotehnıkalyq nysannyń qaraýsyz qalǵany anyqtaldy.

Onyń ishinde 5 nysan qıraǵan jáne odan ári paıdalanýǵa jaramaıdy. Qalǵan 9 nysandy kommýnaldyq menshikke qabyldaý boıynsha jumys júrip jatyr.

«Byltyr elimizdiń gıdrotehnıkalyq nysandaryna túgendeý júrgizildi. Odan keıin oblys ákimdikterimen birlesip olardy qalpyna keltirý boıynsha keshendi jospar ázirlendi. Atalǵan jospardy iske asyrý gıdrotehnıkalyq qurylystardyń tozý máselesin sheshýge jáne olardyń qoldanysqa jaramdylyǵyn arttyrýǵa múmkindik beredi», – dedi QR Sý resýrstary jáne ırrıgatsııa mınıstri Nurjan Nurjigitov.