8 eldiń áskerı qyzmetshileri birlesip oqý-jattyǵý ótkizdi

NUR-SULTAN. QazAqparat – «Ortalyq – 2019» strategııalyq komandalyq-shtabtyq oqý-jattyǵýdyń belsendi fazasy bastaldy, dep habarlaıdy QazAqparat.

Oqý-jattyǵýǵa Qazaqstan, Qytaı, Qyrǵyzstan, Pákistan, Reseı, Tájikstan, Ózbekstan, Úndistan elderiniń áskerı qyzmetshileri, 20 myń birlikten astam áskerı tehnıka men qarý-jaraq, 600 shamasynda ushqyshsyz ushý apparattary tartylǵan.

Oqý-jattyǵý brondy transporterler, jaıaý ásker jaýyngerlik mashınalary, tankiler, joıǵyshtar, áskerı-kólik ushaqtary, jaýyngerlik tikushaqtar, taktıkalyq zymyran keshenderi jáne artıllerııalyq qarý-jaraqtar qoldanyldy. Sonymen qatar, áskerı túrler, arnaıy áskerlerdiń, materıaldy-tehnıkalyq jáne medıtsınalyq qamtamasyz etý bólimsheleri tartyldy. Oqý-jattyǵý barysynda zamanaýı áskerı qaqtyǵystardaǵy tájirıbeni eskere otyryp urysty bastaýdyń jańa túrleri men tásilderi qoldanyldy.

Belsendi fazanyń sharyqtaý shegi bólimsheler negizgi oqý-jaýyngerlik tapsyrmalardy oryndaǵan kezde júzege asty. Halyqaralyq formatta áskerı kontıngentter birneshe taktıakalyq epızodtardy oryndady. Olar:

- barlaý-oq atý jáne barlaý-soqqy berý áreketteri;

- bastyrmaly oq atýmen zaqymdaýdy júrgizý;

- shabýylǵa kóshkende basyp alynǵan shepti ustap turý;

- taktıkalyq jáne jedel desant tardy túsirý;

Bólimsheler zańsyz áskerı qurylymdarǵa shabýyldaý boıynsha birlesken is-qımyldardy pysyqtady. Áskerlerdiń tájirıbelik áreketterin Reseı jáne Qyrǵyzstan Prezıdentter, sondaı-aq Qazaqstan, Qytaı, Qyrǵyzstan, Reseı, Tájikstan jáne Ózbekstan elderiniń qorǵanys vedomstvo basshylary baqylady.

Halyqaralyq oqý-jattyǵýdyń nátıjesi boıynsha erekshelengen áskerı qyzmetshilerdi medaldarmen marapattady.