8 aıda Qazaqstan arqyly Qytaıdyń 7,3 mln tonna júgi ótti
Memlekettik kirister komıtetiniń málimetinshe, 2023 jyldyń 1 qańtary men 1 tamyzy aralyǵynda Qazaqstanǵa Qytaıdan 1 763 603 tonna júk keldi. Al osy aralyqta elimiz arqyly Qytaıdan Armenııaǵa 8 506 tonna, Belarýsqa 231 396 tonna, Qyrǵyzstanǵa 222 310 tonna, Reseıge 2 250 058, EAEO elderine 2 712 270 tonna, úshinshi elderge 2 884 551 myń tonna júk jóneltildi.
«Bul rette, syrtqy ekonomıkalyq qyzmet Taýarlar nomenklatýrasynyń 39 (plastmassalar jáne olardan jasalǵan buıymdar), 40 (kóksaǵyz, rezeńke jáne olardan jasalǵan buıymdar), 48 (qaǵaz jáne karton; qaǵaz massasynan, qaǵazdan nemese kartonnan alynǵan buıymdar), 64 (aıaq-kıim, getralar jáne uqsas buıymdar; olardyń bólikteri), 73 (qara metaldardan jasalǵan buıymdar), 84 (ıadrolyq reaktorlar, qazandar, jabdyqtar men mehanıkalyq qurylǵylar; olardyń bólikteri), 85 (elektr mashınkalary men jabdyqtar, olardyń bóliktepi) jáne 87 (temir jol nemese tramvaı jyljymaly quramdarynan basqa, jermen júretin kólik quraldary jáne olardyń bólikteri men kerek-jaraqtary) kodtary boıynsha taýarlar basqa taýarlarǵa qaraǵanda edáýir kóp tasymaldanady», - dep naqtylaıdy komıtet agenttik tilshisiniń resmı saýalyna oraı.