8 aqpan kúni elimizde ótetin mańyzdy sharalar ańdatpasy

ASTANA. QazAqparat – «QazAqparat» halyqaralyq aqparat agenttigi 8 aqpan kúni Astanada ótetin mádenı jáne qoǵamdyq mańyzdy sharalar ańdatpasyn usynady.

10.00-de «Syǵanaq» bıznes ortalyǵynda Eńbek jáne halyqty áleýmettik qorǵaý vıtse-mınıstri Oljas Ordabaev, EHÁQM halyqty jumyspen qamtý departamentiniń dırektory Asqar Nııazov jáne «Eńbek resýrstaryn damytý ortalyǵy» AQ prezıdenti Dáýlet Arǵyndyqov BAQ ókilderimen «galstýksyz kezdesý» ótkizedi.

11.00-de Human Rights Hub-ta Parlament qaraýyna usynylatyn BAQ týraly zań jobasy boıynsha baspasóz máslıhaty ótedi.

12.00-de Ulttyq mýzeıde QR Halyq ártisi Bıken Rımovanyń 100 jyldyq mereıtoıyna oraı, «Ónermen órilgen ǵumyr» taqyrybynda jyljymaly kórme ótedi.

15.00-de Astana kommýnıkatsııalar ortalyǵynda «2022 jylǵy áleýmettik-ekonomıkalyq damý qorytyndylary jáne 2023 jylǵa arnalǵan josparlar» týraly baspasóz konferentsııasy ótedi.

15.00-de Radisson qonaq úıinde EQYU Demokratııalyq ınstıtýttar jáne adam quqyqtary jónindegi bıýrosynyń (DIAQB) baqylaýshylary Qazaqstannyń parlamenttik saılaýyn baqylaý jónindegi mıssııanyń ashylýy týraly baspasóz konferentsııasyn ótkizedi.

19.00-de Jastar teatrynda «Qudalar» komedııasy qoıylady.

19.00-de Qalıbek Qýanyshbaev atyndaǵy memlekettik akademııalyq qazaq mýzykalyq drama teatrynda «Sen maǵan kereksiń» tragıkomedııasy qoıylady.