8-10 mamyr aralyǵynda Astanadaǵy Qartaly kóshesi jabylady

ASTANA. QazAqparat - Elordada jóndeý jumysyna baılanysty Qartaly kóshesinde kólik qozǵalysyna tyıym salynady, dep habarlaıdy QazAqparat ákimdikke silteme jasap.

Astanada Qartaly kóshesinde ortasha jóndeý jumysyn júrgizý josparlanyp otyr.

Osyǵan baılanysty 8-10 mamyr aralyǵynda Talapker kóshesinen Aqan seri kóshesine deıingi ýchaskedegi avtokólik quraldary úshin qozǵalys tolyǵymen jabylatyn bolady.

Jol qozǵalys qaýipsizdigin qamtamasyz etý maqsatynda bul shara Astana qalasy PD ákimshilik polıtsııa basqarmasymen kelisildi.

Elorda turǵyndary men qonaqtary joldaǵy keptelis jaǵdaılaryn boldyrmaý maqsatynda óz marshrýtyn aldyn ala josparlaǵany jón.

Astana qalasynyń kólik jáne jol-kólik ınfraqurylymyn damytý basqarmasy keltirilgen qolaısyzdyq úshin keshirim suraıdy jáne jóndeý jumystaryn júrgizýge túsinistikpen qaraýdy suraıdy.