75 myńnan astam azamat ózin qumar oıyndarǵa qatysýǵa shektedi

<p>ASTANA. KAZINFORM &ndash; Elimizde 75 myńnan astam adam erikti túrde qumar oıyndarǵa jáne bás tigýge qatysýdan ózin shektedi. Mundaı derek Ashyq NQA portalyna talqylaýǵa shyǵarylǵan Qazaqstan Respýblıkasynda zańsyz oıyn bıznesi men lýdomanııaǵa qarsy is-qımyl boıynsha 2024-2026 jyldarǵa arnalǵan keshendi josparda keltirilgen.</p>

«Týrızm jáne sport mınıstrligi Tsıfrlyq damý, ınnovatsııalar jáne aeroǵarysh ónerkásibi mınıstrligimen, «Ulttyq aqparattyq tehnologııalar» AQ-men birlesip Qazaqstan Respýblıkasy azamattary men rezıdentterin qumar oıyndarǵa jáne bás tigýge qatysýdan óz betinshe shekteý jónindegi qyzmetti avtomattandyrý boıynsha jumysty aıaqtady. 2024 jyldyń naýryz aıynan bastap Qazaqstan azamattary, sondaı-aq Qazaqstan Respýblıkasy aýmaǵynda turaqty turatyn sheteldikter «eGov mobile» mobıldik qosymshasy arqyly 6 aıdan 12 aıǵa deıingi merzimge ózderin qumar oıyndarǵa jáne bás tigýge qatysýyn erikti túrde shekteý týraly ótinish bere alady», - delingen qujatta.

Bul rásim «Oıyn bıznesi týraly» Qazaqstan Respýblıkasy Zańynyń 15-1-babynda kózdelgen jáne avtomattandyrýǵa deıin tıisti tulǵalardy ózin-ózi shektegender tizimine qosý 8 jumys kúni ishinde qaǵaz formatta júzege asyryldy. Jańa qyzmet ótinishterdi óńdeý merzimin edáýir qysqartady jáne qumar oıyndarǵa qatysýdan ózin-ózi shekteý rásimin jeńildetedi. Bul barlyq azamattarǵa, eń aldymen qumar oıyndarmen shekten tys áýestenetin tulǵalarǵa barlyq lıtsenzııalanǵan oıyn mekemeleri men býkmekerlik keńselerdiń zańdy saıttaryna kirýge lezde tosqaýyl qoıýǵa múmkindik beredi. Búgingi kúni 75 myńnan astam azamat osy qyzmetpen paıdalandy.