74 jyl buryn habarsyz ketken zerendilik jaýyngerdiń topyraǵy týǵan jerine jetkizildi

KÓKShETAÝ. QazAqparat - Aqmola oblysynyń Zerendi aýdanynda UOS jyldar habarsyz ketken jaýynger Qaıyrqoja Əbýtəlipovtyń jerlengen jerinen əkelingen bir ýys topyraqty týǵan jeri Qarashilik aýylyndaǵy musylman zıratyna jerleý rəsimi ótti, dep habarlaıdy QazAqparat tilshisi.

Aýdan ortalyǵy Zerendi kentinde uıymdastyrylǵan sharaǵa aýdan ákimi Mereke Mustafın, Aqmola oblystyq qorǵanys isteri jónindegi departamentiniń bastyǵy, podpolkovnık Rýslan Qasymov, respýblıkalyq Qorǵanys isteri ardagerleri qoǵamdyq birlestiginiń Aqmola oblystyq fılıalynyń tóraǵasy Janat Erejepov, Aýǵan soǵysynyń ardagerleri oblystyq odaǵynyń  tóraǵasy Dýanbaı Ybraev jəne marqumnyń inisi Aıdos Əbýtəlipov, maıdanger men tyl eńbekkerleri jəne aýdan turǵyndary qatysty.

«Búgin zerendilikter tarıhı oqıǵanyń kýəsi bolyp otyr. Osydan 74 jyl buryn habarsyz ketken jerlesimizdiń jerlengen jeri anyqtalyp, bir ýys topyraǵy týǵan aýylyna jetkizilip otyr.  Osyndaı ıgi iske úles qosqan barshańyzǵa aýdan turǵyndary atynan shynaıy alǵysymdy bildiremin», dedi aýdan ákimi Mereke Mustafın.

Qaıyrqoja Əbýtəlipov Zerendi aýdany Qarashilik aýylynyń týmasy. 1942 jyly maıdanǵa attanyp, Volhovskıı maıdanynda 286-shy atqyshtar dıvızııasynyń 986-shy polki 5-shi atqyshtar rotasynda soǵysty.

«Qyzyl juldyz», «Erligi úshin» sııaqty birqatar medaldarmen marapattalǵan. 1944 jyly qaza taýyp, Estonııanyń Andresare aýyly mańynda baýyrlastar zıratyna jerlengen. Týystary onyń jerlengen jerin tek 74 jyl ótkennen keıin ǵana anyqtalyp otyr.