72 problemalyq joba boıynsha jumys erekshe baqylaýda - Jeńis Qasymbek
Mınıstrdiń aıtýynsha, 2010-2016 jyldary aralyǵyndaǵy 7 jyl ishinde jáne 2017 jyldyń 9 aıynda Indýstrııalandyrý kartasy aıasynda jalpy 5,5 trln teńge somany quraıtyn 1 080 joba engizilip, 101 myń turaqty jumys oryndary quryldy. 2017 jyldyń 9 aıynda 800 mlrd teńgeniń 52 joba iske qosylyp, 4,5 myń turaqty jumys oryndary ashyldy.
«2017 jyldyń sońyna deıin shamamen 10 myń turaqty jumys oryndaryn qurýǵa múmkindik beretin 700 mlrd teńgen astam somanyń 80-nen astam jobasyn aıaqtaý josparlanýda. Osy jyldyń basynda Elbasy aıqyndap bergen 72 problemalyq joba boıynsha jumys erekshe baqylaýda. Osylaısha, aǵymdaǵy jylǵy 8 aıdyń qorytyndysy boıynsha atalǵan problemalyq jobalardyń 56 paıyzy nemese 40 joba boıynsha barlyq máseleler sheshildi. Olar turaqty jumys isteýde, júktelim jobalyq qýattan 50 paıyz jáne odan kóp. 13 joba 50 paıyzǵa deıin júktelgen. Osy jobalar boıynsha ákimdiktermen birlesip olardy júkteý boıynsha jumys júrgizilýde. 8 joba nemese 11 paıyzymen jumystar jalǵasýda. Búginde biz kredıtorlarmen qarjylyq problemalar, tapsyrystardyń bolmaýy, álemdik baǵalardyń quldyraýy, aınalym qarajattarynyń bolmaýy syndy problemalarymen jumys isteýdemiz», - dedi Jeńis Qasymbek.
Onyń sózine qaraǵanda, qalǵan11 joba ári qaraıǵy jumys isteýden bas tartqan.
«Árbir joba boıynsha Jol kartasy qabyldandy. Kásiporyndarǵa ınvestorlardy izdeý, jer qoınaýyn paıdalanýǵa sharttar jasaý, ekinshi deńgeıli bankter arqyly kredıtteý, óńirdiń kásiporyndaryna ónimdi satýǵa járdemdesý sekildi memlekettik qoldaý sharalary kórsetildi», - dedi ol.