700-ge jýyq almatylyq jas QR Qarýly kúshter qataryna shaqyrylady

ALMATY. QazAqparat – Bıyl QR Qarýly kúshteri qataryna shamamen 700 almatylyq azamatty shaqyrý josparlanǵan. Bul týraly QazAqparat agenttiginiń resmı saýalyna Qorǵanys mınıstrligi bergen jaýapta aıtyldy.

Vedomstvonyń málimetinshe, Almaty qalasynyń jas býyny Qorǵanys mınıstrligi, Ulttyq ulan, Ulttyq qaýipsizdik komıteti Shekara qyzmetiniń jáne Tótenshe jaǵdaılar mınıstrliginiń áskerı bólimderinde qyzmet ótkeretin bolady.

Áskerı qyzmetke shaqyrý kezinde epıdemııaǵa qarsy talaptar qoldanystaǵy zańnamaǵa sáıkes saqtalady.

Bolashaq sarbazdardy shaqyrý jóninde habardar etý SMS arqyly, sondaı-aq úı jáne qyzmettik mekenjaılary boıynsha jeke shaqyrý qaǵazdaryn joldaý arqyly iske asyrylady.

«Azamattardy áskerı qyzmetke shaqyrýdy jergilikti atqarýshy organdar uıymdastyrady jáne qamtamasyz etedi.

Jergilikti atqarýshy organdar áskerı basqarý organdaryn jabdyqtalǵan áskerge shaqyrý (jıyn) pýnkterimen, olardy kútip-ustaýdy, dári-dármektermen, kerek-jaraqtarmen, órtke qarsy, medıtsınalyq jáne sharýashylyq múlikpen, avtomobıl kóligimen, sondaı-aq baılanys jáne kúzet quraldarymen qamtamasyz etedi.

Azamattardy áskerı qyzmetke shaqyrý úshin belgilengen tártippen áskerge shaqyrý komıssııalary qurylady», - delingen QR Qorǵanys mınıstrdiginiń jaýabynda.

Málim etilgendeı, Almaty qalasynyń Qorǵanys isteri jónindegi departamentinde «Qarýly kúshter – adaldyq alańy» jobalyq keńsesi (Naýryzbaı batyr kóshesi, 96-úı mekenjaıy boıynsha) jumys isteıdi. Almaty qalasyndaǵy keńsege 8(727)272-86-48 nómiri arqyly habarlasyp, qajetti aqparatty, suraqtarǵa jaýap alýǵa bolady.