700-den astam sheteldik jýrnalıst ShYU sammıtinen habar taratyp jatyr – QR SІM

<p>ASTANA. KAZINFORM &ndash;<strong> </strong>Búgin 700-den astam sheteldik jýrnalıst ShYU sammıtinen habar taratyp jatyr. Bul týraly QR Syrtqy ister mınıstrliginiń resmı ókili Aıbek Smadııarov aıtty.</p>

«700-den astam sheteldik jáne 200-den astam qazaqstandyq jýrnalıst ShYU sammıtinen habar taratyp jatyr. Álem nazaryn aýdarǵan sharaǵa eýropalyq BAQ úlken qyzyǵýshylyq tanytty», - dedi QR Syrtqy ister mınıstrliginiń resmı ókili Aıbek Smadııarov.

Aıta keteıik, elordadaǵy Táýelsizdik saraıynda Qazaqstan tóraǵalyǵymen Shanhaı yntymaqtastyq uıymynyń sammıti bastaldy. 

Qazaqstan Prezıdenti Qasym-Jomart Toqaev ShYU sammıtine kelgen mártebeli meımandardy qarsy alyp, qol alysty. El basshylaryn qarsy alý rásimi aıaqtaldy.

Belarýs ShYU-nyń tolyqqandy múshesi boldy. Shanhaı yntymaqtastyq uıymynyń sammıtinde múshe memleketterdiń basshylary Belarýs Respýblıkasyn Uıym múshelegine qabyldaýǵa qatysty birqatar qujatqa qol qoıdy.

Shanhaı yntymaqtastyq uıymy halyqaralyq qatynas júıesiniń mańyzdy tetigine aınaldy. Bul týraly sammıtte Memleket basshysy Qasym-Jomart Toqaev aıtty.