70 myń stýdentke jataqhanada oryn jetispeıdi – depýtat
«Elimizde 1 mıllıonnan astam stýdent bilim alady. Búginde stýdentterge jataqhanada 70 myńnan astam oryn jetispeıdi. ıAǵnı, 70 myń stýdent páter jaǵalap, oqýdy emes, kerisinshe páteraqynyń qamymen júrgeni anyq. Keıingi 3 jyl boıy «AMANAT» partııasy stýdentterdiń jatyn oryn máselesin júıeli kóterip, sheship kele jatyr. Jylda eń bolmaǵanda taǵy 10 myń stýdenttiń jaǵdaıyn jaqsartý partııamyzdyń «HALYQPEN BІRGE» baǵdarlamasynda arnaıy kórsetilgen. Ol úshin biz 2023 jyldan bastap jataqhana qurylysy úshin memlekettik tapsyrys tólemin 1,5 esege, al megapolısterge shamamen 2 esege kóterip, ákimdikten jer ýchaskesin qaıtarymsyz berý máselesin de pysyqtadyq. Biraq, bıyl taǵy da másele ýshyǵyp tur. 2023 jyldyń josparyna sáıkes 11 400 oryndyq 34 jataqhana iske qosylýy tıis edi. Alaıda bul protsestiń óte baıaý ári tıimsiz sharalardyń áserinen oryndalmaı qalý qaýpi joǵary», - dedi E. Beısenbaev Úkimet basshysy Álıhan Smaıylovtyń atyna joldaǵan saýalynda.
Onyń aıtýynsha, jyl bel ortasyna jetse de, 6 aıda 11 myńnan astam oryndy qamtıtyn jataqhanalardyń tek 900 oryndyq ekeýi ǵana, ıaǵnı 8 protsenti ǵana iske qosyldy.
«Ekinshiden, sol tizimdegi jataqhanalardyń 2,2 myń orny múldem salynbaı qalý qaýpinde tur. ıAǵnı qoıylǵan meje de, beriletin stýdenttik jataqhanalarda salynbaıdy degen sóz. Dál osy máseleni depýtattar óz qaperinen jibergen emes. Úshinshiden, jergilikti ákimdikter áli de bolsa stýdenttik jataqhanalardy salýǵa múddeli emes ekendikterin naqty kórsetip otyr. Onyń ishinde, bilim berý uıymdaryna jer bólý, ǵımarattardyń nysanaly maqsatyn ózgertý, qajetti qujattardy retteý boıynsha jumystardy bıýrokratııaǵa aınaldyryp otyr. Úkimet tarapynan jataqhana salý boıynsha «qaldyqty prıntsıpti» ustaný, jas stýdentterge jasalǵan ádiletsizdik dep sanaımyn», - dedi depýtat.
Bul turǵyda ol jataqhana máselesi ýshyǵyp turǵan aımaqtardyń ákimdikteri men ortalyq memlekettik organdar jaǵynan tez arada birlesken naqty is-qımyl josparyn bekitýdi usyndy.
Onyń paıymynsha, ınvestorlarmen birge júıeli jumysty uıymdastyryp, aldaǵy jaz aılarynda qurylys jumystarynyń qarqynyn kúsheıtý kerek.