7 jyldyń ishinde keıbir salalardaǵy kadr sany 30 paıyzǵa qysqarýy múmkin
Onyń aıtýynsha, pessımıstik boljamdarǵa sáıkes aldaǵy 7 jyldyń ishinde keıbir saladaǵy kadrlardyń sany 30 paıyzǵa deıin qysqarýy múmkin.
«Negizinen jumys reglamentteledi jáne jumystyń barynsha qarapaıym algorıtmi qoldanylady. Sodan keıin endi 15 jyldan keıin bul tsıfr 50 paıyzǵa deıin jetýi múmkin. ıAǵnı, bul jumys oryndaryn robottar almastyrýy yqımal», - dedi ol.
Sonymen qatar ol eńbek naryǵy damýynyń oń stsenarıi bolýy múmkin ekendigin aıtty.
Al konferentsııa jumysyna qatysqan QR Premer-Mınıstriniń orynbasary Gúlshara Ábdiqalyqova Qazaqstannyń strategııalyq josparyn júzege asyrý el ekonomıkasyn jyl saıyn 4,5-5 paıyz ósimin qamtamasyz etýge baǵyttalǵanyn aıtty. Bul elimizdiń álemniń damyǵan 30 memleketiniń qataryna kirýge baǵyttalǵan maqsatyna saı keledi.
«Eńbek ónimdiligin 50 paıyzǵa arttyrý arqyly ósim sapasyn qamtamasyz etý josparlanǵan. Ol úshin shıkizattyq emes eksport kólemi 41 mlrd dollarǵa jetip, JІÓ-degi shaǵyn jáne orta bıznes úlesi 35 paıyzǵa deıin artýy qajet», - dedi G.Ábdiqalyqova.