7 jylda Astananyń Almaty aýdanynda apatty jaǵdaıdaǵy 82 úı súrildi - ákim

ASTANA. QazAqparat – 2013-2020 jyldar aralyǵynda apatty jaǵdaıda turǵan 82 úı súrildi. Bul týraly qalalyq kommýnıkatsııalar qyzmetinde ótken brıfıngide Astana qalasy Almaty aýdanynyń ákimi Maqsat Samatuly aıtty, dep habarlaıdy QazAqparat tilshisi.

«2013-2020 jyldar aralyǵynda apatty jaǵdaıda turǵan 82 úı súrildi. 6 myń turǵyndy ózge jerlerge qonystandyrdyq. Byltyr tek bir úı súrildi», - dedi M.Samatuly.

Ákimniń aıtýynsha, bıyl Almaty aýdanynda apatty dep tanylǵan eki úı súriledi. Taǵy 12 úıdiń qaýiptiligin anyqtaý boıynsha jumystar júrgizilip jatyr. Sonymen qosa, ol aýdandaǵy nysandardy gazben qamtý sharalaryna toqtaldy.

«Gazdandyrý jumystarynyń alǵashqy jylynda, ıaǵnı 2021 jyly Almaty aýdanynda gazǵa 1,5 myńan astam jeke úı qosyldy. Aǵymdaǵy jyly barlyq abonetter gazben qamtamasyz etiledi. Olardyń ishinde 4 300 úı gazǵa qosylǵan búgingi kúni. Sonymen qatar, 2 300-den astam shaǵyn jáne orta bıznes obektileri men 4 áleýmettik nysan gazǵa qosyldy», - dep túıindedi Astana qalasy Almaty aýdanynyń ákimi.

Qosa ketsek, brıfıngi barysynda Maqsat Samatuly bıyl aýdan aýmaǵynda 10 qoǵamdyq keńistikke abattandyrý jumystary júrgiziletinin málimdegen edi. Buǵan qosa, jyl sońyna deıin kóshelerdi jaryqtandyrý maqsatynda 1,5 myńǵa jýyq jaryqdıodty shamdar aýysyrylmaq.