7 jastaǵy aqtóbelik álemdik rekord ornatýǵa daıyndalýda

AQTÓBE. QazAqparat - Aqtóbe qalasynyń 7 jastaǵy turǵyny Mýsa Týrkýmbaev 55 ret týrnıkke tartylyp, 1600 ret keýdeni jerden kótere alady. Ol bul rekordtyq kórsetkishin álem aldynda dáleldemek, dep habarlaıdy QazAqparat tilshisi.

Mýsa Týrkýmbaev 3 jasynan bastap sportpen shuǵyldandy. Ol ózge balalar sekildi asyr salyp oınaıdy, biraq týrnıkke tartylǵandy unatady. Aǵashtyń butalaryna, turǵyn úı aýlasyndaǵy týrnıkke ilinip, tartylǵandy unatatyn bala óz yntasymen eldi tańqaldyryp júr.
Tek buǵanasy qatpaǵan Mýsaǵa áli kásibı sportpen shuǵyldanýǵa bolmaıdy. Sondyqtan ákesi Ashat Týrkýmbaev bar ýaqytyn balaǵa arnap, qazir arnaıy sport zalǵa aparyp júr. Ákesiniń qamqorlyǵyndaǵy bala kóktemde jańa rekord ornatýǵa daıyndalyp jatyr.

 

«Mýsa kishkentaı balalar, eresekter jasaı almaıtyn dene jattyǵýlaryn kórsete alady. Bárin ózi beınerolıkterden kórip, qarap, úırenedi. Qazirgi kezde kúndelikti 35 ret týrnıkke tartylady.  Al rekordy - 55. Kúnine 300-500 ret keýdeni jerden kóteredi. Al bul jattyǵýdy 1600 ret oryndap, rekord isteı alady. Jattyǵý jasaǵan, sportpen shuǵyldanǵan ózine unaıdy. Zamandastary kompıýterden, planshetten kóz almaı otyrady, al Mýsa dalada júredi. Telefonǵa 1 saǵatyn ǵana bóledi»,- dedi Ashat Týrkýmbaev.

 

<" width="1" height="1" layout="responsive">
Mýsa túrli jattyǵý jasap, dene jaraqatyn da aldy. Ata-anasynyń aıtýynsha, 4 jasynda qolyn syndyryp, dárigerlerdiń baqylaýynda bolǵan. Bir qoly gıpspen bekitilgenine qaramastan erjúrek bala jattyǵýyn toqtatpaǵan. Endi ol álemdi moıyndatýdy qalaıdy.