7 saǵattan keıin esin jıdy: BQO-da jas jigit sýdan qutqaryldy

ORAL. QazAqparat – Batys Qazaqstan oblysynda aýyl turǵyndary 26 jastaǵy jigitti sýǵa ketýden qutqaryp qaldy, dep habarlaıdy QazAqparat tilshisi.

BQO Tótenshe jaǵdaılar departamenti departamentiniń baspasóz qyzmetinen málim etkenindeı, oqıǵa 28 shilde kúni Qaratóbe aýdany Qoskól aýyldyq okrýgine qarasty Shalǵyn eldi mekeninde boldy.

«Shamamen saǵat 17.30-da 26 jastaǵy jigit Shıeli ózenine batyp ketken. Sol mańda júrgen jasy elýlerdegi Omarbek Habıev ony sýdan shyǵaryp alǵan. O.Habıevke 11-synyp oqýshysy Bekbol Baqyt kómektesken. Ekeýi dárigerler kelgenge deıin alǵashqy medıtsınalyq járdem kórsetken. Zardap shekken jigit Syrym aýdany Josaly aýylynyń turǵyny bolyp shyqty. Ol Qoskól aýylynda turatyn jezdesine qonaqqa kelgen. Shıeli ózeni boıynda týystarymen birge bolǵan. Іshimdik ishpegen. Sýda eki mınýttaı jatyp qalǵan. Qaratóbe aýdandyq ortalyq aýrýhanasynyń dárigerleri jetip, kómek kórsetti. Jeti saǵattan keıin jigit esin jınaǵan. Saǵat 01.30-da ony Syrym aýdandyq aýrýhanasyna alyp ketken. Qazir jaǵdaıy ortasha», - dep habarlady vedomstvodan.

Eske sala keteıik, budan buryn BQO-da 5 jasar balanyń sýǵa batyp ketkenin jazǵan bolatynbyz.