7 óńirde qarý-jaraq ótkizý aktsııasy toqtatyldy

NUR-SULTAN. QazAqparat – Elimizdiń 2 qalasy men 5 oblysynda zańsyz saqtaýdaǵy qarý-jaraqty erikti ótkizý aktsııasy toqtatyldy, dep habarlaıdy QazAqparat tilshisi.

Bul jaıynda QR Іshki ister mınıstrliginiń ókili Aqtoty Boranova onlaıın brıfıngide aıtty.

«25 sáýirden beri QR Іshki ister mınıstrligi halyqtan zańsyz saqtaýdaǵy qarý-jaraqty, oq-dárini satyp alý aktsııasyn ótkizip jatyr. Bul maqsatqa respýblıka bıýdjetinen 88 mln teńge bólingen. Qarý-jaraqty erkimen bergen azamattarǵa ótkizgen buıymnyń jaǵdaıyna qaraı 10 aılyq eseptik kórsetkishten (30 180teńge – red.) 100 AEK-ke 301 800 teńge) deıin ótemaqy qarastyrylǵan. Úsh aıdyń ishinde ishki ister bólimderine myńnan astam (1 002) ótinish túsip, 1 288 atys qarýy ótkizildi. Sondaı-aq, 10 myńǵa jýyq (9 477) oq satyp alyndy», - dedi vedomstvo ókili.

Aıtýynsha, tabystalǵan qarý-jaraq úshin turǵyndarǵa 85 mln teńge tólengen.

«Ótkizilgen qarýlardyń bári birizdendirilgen derekter bazasy arqyly tekseriledi. ıAǵnı, «Tirkelgen qarý» jáne «Qylmysqa qoldanylǵan qarý» sanattary boıynsha sarapatamadan ótedi. Bólingen qarajattyń ıgerilýine baılanysty Nur-Sultan, Shymkent qalalary men Aqmola, Qostanaı, Túrkistan, Batys Qazaqstan jáne Soltústik Qazaqstan oblystarynda aktsııa toqtatyldy», -dedi Aqtoty Boranova.

Foto: www.kirovsk.by