7 maýsym. Tulǵalar týǵan kún

ASTANA. QazAqparat - – Búgin, 7 maýsymda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

106 jyl buryn (1917-1943) Uly Otan soǵysynyń qatysýshysy, Keńes Odaǵynyń Batyry, 3-shi Ýkraına maıdany 8-shi gvardııalyq armııa 39-shy gvardııalyq atqyshtar dıvızııasy 120-shy gvardııalyq atqyshtar polki quramynda rota komandıri Janǵazy Ákimuly MOLDAǴALIEV dúnıege keldi.

Semeı oblysy Abaı aýdanynyń Qaraaýyl aýylynda týǵan. Ata-anasy erte qaıtys bolyp, ápkesi Qanıpa men Janǵazyny nemere aǵasy Semeıbaı Jákenov óz tárbıesine alyp, Semeıdegi №38 jetijyldyq mektepti bitirgen. Mektep bitirgennen keıin un tartatyn zaýytta eńbek jolyn bastaǵan Janǵazy sol kezdegi aýatkom (raııspolkom) hatshysy bolyp el isine de aralasa bastaıdy. Osylaısha erjetip, azamat bolǵan shaǵynda 1938 jyldyń kúzinde ásker qataryna shaqyrylyp, 1941 jyly maıdanǵa attandy.

1943 jyldyń 23 qazanyna qaraǵan túni Moldaǵalıevtiń rotasyna Dneprden ótip, platsdarmdy alý tapsyryldy. Rota jaýyngerleri Elızarovo selosyn jaý qolynan tolyq azat etip, jaýdyń mysyn basyp, 100-den astam áskeri men ofıtserin joıyp, 25 soldatyn tutqynǵa alady. Sol jyldyń 31 qazanynda Janǵazy basqarǵan 2-atqyshtar rotasy Chernoparovka selosynyń batys bóliginde ornalasqan tirekpýnktin basyp alý týraly buıryq alady. Moldaǵalıevtiń basshylyǵyndaǵy rota tún ishinde qıyndyqtarǵa qaramastan ózennen ótip, qatty qaqtyǵystan soń Dneprdiń oń jaq jaǵalaýyna kúshpen bekinip alady.

1943 jylǵy qarashadaǵy urysta óz denesimen jaý dzotyn jaýyp, qaza tapty.

KSRO Joǵarǵy Keńesi Prezıdıýmynyń 1944 jylǵy 19 naýryzdaǵy Jarlyǵymen J. Moldaǵalıevke Keńes Odaǵynyń Batyry ataǵy berildi. Lenın jáne Qyzyl Juldyz ordenderimen marapattalǵan.

63 jylburyn (1960) QR memleket jáne qoǵam qaıratkeriBerik Májıtuly IMAShEV dúnıege keldi.

Almaty qalasynda týǵan. 1977 jyly Qaraǵandy orta mektebin bitirdi. 1982 jyly M.V.Lomonosov atyndaǵy Máskeý memlekettik ýnıversıtetiniń zań fakýltetin quqyqtaný mamandyǵy boıynsha úzdik bitirip shyqty.

Qyzmet jolyn prokýratýra organdarynda bastady. Birneshe ret KazSSR jáne Qazaqstan Respýblıkasy Bas prokýrorynyń buıryqtarymen marapattaldy. Qazaqstan Respýblıkasy Prezıdentiniń kómekshisi, QR Qaýipsizdik Keńesiniń Hatshysy qyzmetin atqardy. 2008 jyly Qazaqstan Respýblıkasy Prezıdentiniń Jarlyǵymen QR Parlamenti Senatynyń depýtaty bolyp taǵaıyndaldy. Osy jyly Zańnama jáne quqyqtyq reforma jónindegi komıtet tóraǵasy bolyp taǵaıyndaldy. 2011 jyldan bastap Parlament Senatynyń Konstıtýtsııalyq zańnama, sot júıesi jáne quqyqtyq organdary jónindegi komıtetiniń tóraǵasy. 2012-2016 jyldary QR Ádilet mınıstri bolyp qyzmet atqardy. 2016-2022 jyldary QR Ortalyq saılaý komıssııasynyń tóraǵasy. «Qurmet», «Parasat» ordenderimen, TMD Parlamentaralyq Assambleıa Keńesiniń Qurmet gramotasymen, «Astanaǵa 10 jyl» mereıtoı medalimen marapattalǵan. ıÝ.Semenovtyń «Detektıv jáne saıasat» Halyqaralyq qory syılyǵynyń laýreaty.

4 1 jyl buryn (1982) QR Mádenıet jáne sport vıtse-mınıstri Erjan Málikuly ERKІNBAEV dúnıege keldi.

Jambyl oblysynyń Shý qalasynda týǵan. Qazaq memlekettik zań akademııasyn, RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn, Halyqaralyq bıznes akademııasyn támamdaǵan. Túrli jyldary jeke kompanııalarda jobalar jetekshisi, zańger bolyp jumys istegen. 2009-2013 jyldar aralyǵynda «Shymbulaq» taý shańǵysy kýrortynyń bas dırektory bolyp qyzmet atqarǵan. 2013-2016 jyldary – «Medeý» sport kesheniniń bas dırektory. 2016-2019 jyldary Almaty memlekettik zoologııalyq parkiniń dırektory laýazymyn atqardy. 2019 jyldyń qazan aıy men qarasha aılary aralyǵynda «Kazakh Tourism» ulttyq kompanııasy«AQ basqarma tóraǵasynyń mindetin atqardy. 2019-2021 jyldary «Kazakh Tourism» Ulttyq kompanııasy» AQ Basqarma tóraǵasy.

Qazirgi qyzmetinde – 2021 jyldyń qazan aıynan beri.