7 qyrkúıek kúni elordada ótetin mańyzdy is-sharalar ańdatpasy

ASTANA. QazAqparat – «QazAqparat» halyqaralyq aqparat agenttigi 7 qyrkúıek kúni Astanada ótetin mádenı jáne qoǵamdyq mańyzdy sharalar ańdatpasyn usynady.

9.00-de Jaqsylyq Úshkempirov atyndaǵy «Jekpe-jek» saraıynda Quqyq qorǵaý organdary qyzmetkerleri arasynda Sybaılas jemqorlyqqa qarsy is-qımyl agenttigi tóraǵasynyń kýbogy úshin jekpe-jek ónerinen respýblıkalyq týrnır ótedi.

10.00-de QR Parlamenti Senatynyń otyrysy ótedi. Kún tártibine «Qazaqstan Respýblıkasynyń Úkimeti men Túrkııa Respýblıkasy Úkimeti arasyndaǵy aqparat almasýdy uıymdastyrý jáne kedendik baqylaý rásimderin ońaılatý týraly kelisimdi ratıfıkatsııalaý týraly» QR Zańy týraly másele engizildi. Senat otyrysy www.senate.parlam.kz saıtynda onlaın rejımde, «Habar 24» telearnasynyń tikeleı efırinde kórsetiledi.

10.00-de Manas, 19 mekenjaıynda psıhonevrologııalyq ınternat úıleriniń tárbıelenýshileri arasynda shaǵyn fýtboldan Seni Cup respýblıkalyq chempıonaty ótedi.

11.00-de «Aqorda» rezıdentsııasynda Memleket basshysy Qasym-Jomart Toqaevtyń Albanııa Respýblıkasynyń Prezıdenti B. Begaımen kezdesýi ótedi.

11.00-de Astana qalasy Kommýnıkatsııalar qyzmetinde «iKOMEK-tiń búgingi tynysy» taqyrybynda onlaın brıfıng ótedi. Spıker: Astana qalasy ákimdiginiń «iKOMEK109» «Qalalyq monıtorıng jáne jedel áreket etý ortalyǵy» ShJQ MKK basshysy Asqar Taqsymov. Onlaın baspasóz konferentsııasy Astana qalasy kommýnıkatsııalar qyzmetiniń Facebook-tegi facebook.com/rsk.astana01 resmı paraqshasynda tikeleı efırde ótedi.

12.00-de QR Prezıdenti janyndaǵy Ortalyq kommýnıkatsııalar qyzmetinde «Áıelder kásipkerligin damytý – qoǵamnyń ekonomıkalyq ál-aýqatyn damytýdyń negizgi faktorlarynyń biri» atty baspasóz máslıhaty ótedi. Spıkerler: Strategııa jáne kásipkerlik, Bıznes mektebi, Imperial College London professory Mıshel Rogan; Tehnologııalar jáne ınnovatsııalardy basqarý, Bıznes mektebi, Imperial College London professory Anne Ter Val; Bıznes-trenerler qaýymdastyǵynyń jetekshisi Áıgerim Tarbaǵataeva; Áıelderdi damytý mektebiniń jetekshisi Ásemgúl Qadyrhanova. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz

15.00-de L.N. Gýmılev atyndaǵy Eýrazııa ulttyq ýnıversıtetiniń Bas ǵımaratynda «Prezıdenttik jastar kadr rezervine irikteý» jobasynyń aqparattyq jıyny ótedi.

20.00-de «Astana Arena» stadıonda Qazaqstan – Fınlıandııa matchy ótedi.