7 kúndik karantın: Oblystar arasynda mal kóshirý talaby kúsheıtildi

<p>ASTANA. KAZINFORM &ndash; Aýyl sharýashylyǵy mınıstri Aıdarbek Saparov Májilis otyrysynan keıin jýrnalısterdiń suraǵyna bergen jaýabynda Atyraý oblysynda sibir jarasynyń oshaǵy tirkelýine baılanysty pikir bildirdi.</p>

— Men mınıstrlik qyzmetke kirisken kezde keń aýqymdy taldaý júrgizdik. Qazir mal jáne egin sharýashylyqtarynda salystyrmaly túrde tártip bar. Veterınarııa boıynsha máseleler bar. Biz endi jumysty kúsheıtip, talaptardy qatańdatyp jatyrmyz.  Atyraý oblysynda mal soıý alańynyń ózinde iri qara qyrylǵan. Ol alańǵa karantın jarııaladyq. Qajetti dezınfektsııa sharalarynyń bárin istedik. Qazir baqylaýda ustap otyrmyz, — dedi ol.

Mınıstr qaýipti indetterdiń aldyn alý úshin oblystar arasynda mal kóshirýdiń tártibi qatańdatylyp jatqanyn aıtty. 

— Biz jańa tártip engizdik. Buryn maldy bir oblystan ekinshi oblysqa eshqandaı karantınsiz kóshire beretinbiz. Qazir 7 kúndik karantın engizdik. Mysaly Atyraý oblysynan Qostanaı oblysyna mal kóshirse, áýeli Atyraýda 7 kún karantınde ustalady. Ol jerde bizdiń veterınarlar tekserip, zertteý júrgizedi. Al Qostanaıǵa jetkennen keıin taǵy 7 kún karantınde turady. Bul jumysty kúsheıtip, oryndalýyn talap etemiz. Halyq tarapynan da, veterınarlar tarapynan da óte kóp shaǵym bolady. Bul maldyń qujattary birizdendirýge de baılanysty. ıAǵnı, aýrý juqtyryp, taratpaý úshin maldy keshiktirmeı tirketip otyrý kerek. Mysaly, tól týsa 7 kúnniń ishinde aqparattyq júıege tirkelý kerek, — dedi Aıdarbek Saparov.