7 qazaqstandyq volonter BUU qurylymynda jumys istemek
14:32, 29 Maýsym 2020
NUR-SULTAN. QazAqparat – 7 qazaqstandyqty volenter retinde BUU qurylymdaryndaǵy jumysqa baǵyttaý josparlanyp otyr. Bul týraly Aqparat jáne qoǵamdyq damý mınıstri Aıda Balaeva málim etti, dep habarlaıdy QazAqparat tilshisi.
«Bıyl 7 qazaqstandyqty volonter retinde BUU qurylymdaryndaǵy jumysqa baǵyttaý josparlanyp otyr», - dedi mınıstr Ortalyq kommýnıkatsııalar qyzmetinde onlaın rejımde ótken halyqqa esep berý kezdesýi barysynda.
Onyń sózine qaraǵanda, Qazaqstannyń damýy men áleýmettik mańyzdaǵy máselelerdi sheshýge úles qosqan úzdik volonterler men bastamalar «Jyl volonteri» halyqaralyq syılyǵymen yntalandyrylady.
«Árıne, bir jylda volonterlikti damytý úshin barlyq bastamalardy aıaqtaý qıynǵa túsetini anyq. Alaıda ol ary qaraı júıeli damytý úshin ózgeristi kezeń bolyp otyr», - dedi A. Balaeva.