7 qalada aýa sapasy nasharlaıdy

ASTANA. QazAqparat – «Qazgıdromet» RMK 27 qańtarda Qazaqstan qalalarynda qalyptasatyn meteorologııalyq jaǵdaıǵa boljamyn jarııalady, dep habarlaıdy QazAqparat.

Jumada Jezqazǵan, Balqash, Temirtaý, Atyraý, Aqtóbe, Shymkent jáne Almaty qalalarynda qolaısyz meteorologııalyq jaǵdaılar kútiledi.

Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.