7 eldiń arheologtary qola dáýirinde Ortalyq Azııadaǵy jahandaný protsesterin zertteıdi

ASTANA. QazAqparat - Eýropalyq áleýmettik qor Ortalyq Azııada tarıhı dáýirdegi jahandaný protsesterin zertteýdi qarjylandyrady. 

Lıtva, Frantsııa, AQSh, Germanııa, Qyrǵyzstan, Qazaqstan jáne Reseı elderiniń  15 arheologynan quralǵan negizgi zertteý komandasy 2018 jyldyń 1-15 tamyzynan bastap Qyrǵyzstandaǵy Koh-Kor qalasyna jaqyn ornalasqan Chapa ýchaskesinde qazba jumystaryn júrgizedi, dep habarlaıdy QazAqparat Almatydaǵy ıÝNESKO bıýrosyna silteme jasap.

«Sońǵy onjyldyqta Eýrazııadaǵy arheologııalyq zertteýler 3000 jyldan astam ýaqyt buryn Uly Jibek jolynyń aldynda taıpalar men halyqtardyń arasynda alystan ózara baılanys bolǵanyn rastady. Zertteýshiler ejelgi zamandarda adamdardyń, janýarlardyń, taýarlardyń, ósimdikterdiń jáne dástúrlerdiń  almasylǵanyn anyqtady», - dep atap ótti ıÝNESKO bıýrosy Feısbýkte.

Qyrǵyzstandaǵy jobanyń maqsaty - Ortalyq Azııadaǵy margınaldyq taýly landshafttarda ejelgi zamanǵy azyq-túlikke baıllanysty jahandaný protsesin aıqyndaý. Bul másele jiti qaralyp jatyr. Qola dáýirinde (b.z.b. 2500 - 1500 jyldary) taýly ólkelerdegi adamdardyń qalaı ómir súrgenine taldaý jasalýda.

Bul jobany Vılnıýs ýnıversıteti «Manas» Qyrǵyzstan-Túrkııa ýnıversıtetimen birlesip júzege asyryp jatyr. Oǵan Gıedre Motýzaıte (Ms Giedre Motuzaite Matuzeviciute) ǵylymı jetekshilik etýde.