7 aıda Qazaqstan men Túrkııa arasynda saýda aınalymy 3,5 mlrd dollarǵa jetti
«Búgin Túrkııa Prezıdentiniń sapary aıasynda joǵary deńgeıdegi strategııalyq yntymaqtastyq keńesiniń 4-otyrysy ótti. Jıynda asa mańyzdy máseleler boıynsha pikir almastyq. Basqosý mazmundy ári maǵynaly boldy. Іs-sharanyń sońynda túrli saladaǵy baılanysty jańa beleske kóteretin úkimetaralyq qujattarǵa qol qoıdyq. Ekijaqty saýda-ekonomıkalyq jáne ınvestıtsııalyq yntymaqtastyq - bizdiń baılanystarymyzdyń ózegi. Bul baǵyttar boıynsha qarym-qatynas qarqyndy damyp kele jatyr. Ásirese, áskerı salada yntymaqtastyǵymyz arta tústi», - dedi Memleket basshysy.
QR Prezıdenti byltyr eki eldiń ózara saýdasy 33 paıyzǵa artyp, 4 mlrd dollardan asqanyn aıtty.
«Túrkııa Qazaqstannyń eń iri 5 saýda seriktesiniń biri. Bıylǵy 7 aıdyń qorytyndysy boıynsha ekijaqty saýda 66 paıyzǵa ósip, 3,5 mlrd dollar boldy. Biz saýda aınalymyn 10 mlrd dollarǵa jetkizýdi kózdep otyrmyz. Bul - elderimizdiń aldynda turǵan strategııalyq beles. Túrik ınvestorlary Qazaqstan ekonomıkasyna 4,35 mlrd ınvestıtsııa saldy. Al Qazaqstannyń Túrkııaǵa salǵan ınvestıtsııasy - 1,13 mlrd dollar. Jalpy ótken jyldyń qorytynlysy boıynsha Túrkııa bizdiń elimizdegi eń iri 10 ınvestordyń qataryna kirdi», - dedi Qasym-Jomart Toqaev.