«7 aıda 228 oqýshy qyzdyń júkti bolǵany ne sumdyq?!» - respýblıkalyq basylymdarǵa sholý
***
«Qazaqstan Respýblıkasynyń Qorǵanys mınıstri Ádilbek Jaqsybekov jumys saparymen Venada boldy. Munda ol Qazaqstan Respýblıkasynyń qaýipsizdik máselesi boıynsha forýmǵa tóraǵalyq etýiniń resmı túrde ashylýyna qatysty», dep jazady «Egemen Qazaqstan» gazeti búgingi sanynda jaryq kórgen «Qaýipsizdik qyrlary qaraldy» degen taqyryptaǵy maqalasynda. Sapar barysynda Qazaqstan qorǵanys vedomstvosynyń basshysy EQYU Bas hatshysy Lamberto Zannermen kezdesti. Ádilbek Jaqsybekov ony jaqynda ǵana joǵary ári mártebeli qyzmetke taǵaıyndalýymen quttyqtady. Qazaqstan Respýblıkasynyń tóraǵalyq etýine arnalǵan saltanattyń ashylýynda sóılegen sózinde Ádilbek Jaqsybekov Uıymnyń áskerı-saıası damýyna Kóshbasshymyz - el Prezıdenti Nursultan Nazarbaevtyń qosqan úlesi zor ekendigin atap ótti.
«Egemen Qazaqstan» gazetiniń jazýynsha, keshe Astana qalasynyń ákimi Imanǵalı Tasmaǵambetov pen Bishkek meri Isa Omýrkýlovtyń resmı kezdesýi ótti. Kezdesý barysynda Astana ákimi Qazaqstan men Qyrǵyzstandy tek tyǵyz dostyq qarym-qatynastar ǵana emes, tarıhı týysqandyq tamyrlar biriktiretindigin atap ótti. Qala basshysy odan ári meımandy Qazaqstan elordasynyń joǵary áleýmettik-ekonomıkalyq kórsetkishterinen habardar etti. «Astana men Qyrǵyzstandy jaqsy áleýmettik-ekonomıkalyq baılanystar biriktirip otyr. Tek 2011 jyldyń 1-shi jartyjyldyǵynda syrtqy saýda aınalymy 26,5 mln. AQSh dollaryn qurasa, onyń 25,5 mıllıony - eskport. Eki eldiń eksporttyq-ımporttyq saýda baılanystaryn odan saıyn keńeıtýdiń jaqsy múmkindikterin izdestirip, tabýymyz kerek», - dep atap ótken Astana ákimi.
***
«Batysqa elikteımiz dep qarakózderimiz buzylyp bara jatqan joq pa?» bul saýal búginde búkil qazaqtyń uıqysyn qashyryp, ýaıymdatyp otyr. Kishkentaı buzaqy uldardy tártipke sala almaı júrgende qarshadaı qyzdarymyzdyń birin-biri sabaǵan jantúrshigerlik áreketteri jurttyń jaǵasyn ustatýymen keledi. Al jeti aıda 228 oqýshy qyzdyń etegi túrilip, ana bolýǵa aıaq basqany ne sumdyq?! ótken jyldy aıtpaǵanda, aǵymdaǵy alty aıda 29 qylmys oqýshy qyzdardyń tikeleı aralasýymen jasalǵany jaǵa ustatady. «Alash aınasy» gazetiniń beısenbilik sanynda jaryq kórgen «7 aıda 228 oqýshy qyzdyń júkti bolǵany ne sumdyq?!» degen taqyryptaǵy maqalada osy máseleler qozǵalǵan.
Osy basylymnyń turaqty «Dat!» aıdarynda QR Qorǵanys mınıstriniń orynbasary Áset Qurmanǵalıevpen aradaǵy suhbat «Áskerılerde bar áleýmettik qorjyndy menmin degen jeke kompanııalar da bere almaıdy» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ol: «Dúnıejúzinde áli de jalǵasyp jatqan qarjylyq daǵdarysqa qaramastan, sońǵy alty jylda barlyq memlekettik qyzmetkerlerdiń, onyń ishinde áskerı qyzmetshilerdiń eńbekaqysy 2,5 esege joǵarylap otyr. Al sońǵy on jylda eńbekaqynyń on esege óskeni baıqalady», - deıdi.
***
Sanaýly kúnderden keıin Túrkııanyń Ystambul qalasynda kúres túrleri boıynsha álem chempıonatynyń jalaýy jelbireıdi. 12-18 qyrkúıek aralyǵynda ótetin atalǵan jarysta júldeli oryndarmen qatar, Olımpıada oıyndarynyń joldamalary da sarapqa salynady. 2012 jyly Londonda alaýy tutanatyn dúbirli dodada baq synaýdy armandaǵan balýandardyń barlyǵy da bul kúnderi Anadoly elin betke aldy. Olardyń qatarynda Qazaqstan quramasy da bar. Al osy baıraqty el namysyn kimder qorǵaıtyndyǵyn ári olardyń áleýetiniń qanshalyqty ekendigin baǵamdaǵyńyz kelse, «Aıqyn» gazetindegi «Jeńiske jetý úshin jankeshtilik kerek» degen maqalany oqyńyz.
***
«Kazahstanskaıa pravda» gazetiniń jazýynsha, Memleket basshysy Nursultan Nazarbaev Qazaqstanǵa resmı saparmen kelgen Pákstan Islam Respýblıkasynyń Premer-mınıstri Saıed ıÝsýf Reza Gılanımen kezdesti. Aqordada ótken kezdesýdiń resmı rásiminen keıin kelissózder júrgizildi. Qazaqstan Prezıdenti Nursultan Nazarbaev pen Pákstan Islam Respýblıkasynyń Premer-mınıstri Saıed ıÝsýf Reza Gılanı halyqaralyq jáne aımaqtyq uıymdardaǵy ekijaqty ózara is-qımyl men yntymaqtastyqtyń ózekti máselelerin talqylady. Maqala «Perspektıvnyı potentsıal dobrososedstvo» degen taqyryppen berilgen.