7 atyraýlyq «Qazaqstannyń 100 jańa esimi» jobasyna tańdap alyndy
«Bizdiń óńirimizden barlyǵy 136 ótinish kelip tústi. Іrikteýden 53 úmitker ótti, respýblıkalyq komıssııa olardyń 7-ýin tańdap aldy. Olardyń arasynda sal aýrýyna shaldyqqan balalalardy saýyqtyrýmen aınalysatyn «Atyraý. Shaǵyn memleket» qoǵamdyq birlestiginiń jetekshisi Erlan Kúmisqalıev, Ulttyq Parolımpıada komıtetiniń Atyraý oblystyq fılıalynyń dırektory Baýyrjan Tahaýov, Atyraý oblystyq qazaq-túrik lıtseıiniń ustazy Erbol Paljanov, jedel járdem qyzmetinde erikti retinde qyzmet etetin ınjener Arman Qasymov, bapker Aqbóbek Erǵalıeva, kásipkerler Ásemgúl Orazaeva men Talǵat Qutbaı bar»,-dedi Atyraý oblystyq «Rýhanı jańǵyrý» jobalyq keńsesiniń bas menedjeri Oryntaı Bımanova óńirlik kommýnıkatsııalar qyzmetinde ótken brıfıngte.
Onyń aıtýynsha, ótinish bildirgen azamattardyń birqatary ony durys toltyrmaǵan nemese tolyq toltyrmaǵan bolyp shyqty. Úmitkerlerge daýys berý 10 qarashaǵa deıin jalǵasady.