7,5 myń temirjolshy poıyz joldaryn qardan tazartýda
15:09, 27 Aqpan 2021
NUR-SULTAN. QazAqparat – Elimizdiń 6 óńirinde 7,5 myń temirjolshy poıyz joldaryn qardan tazartýda. Bul týraly QR Indýstrııa jáne ınfraqurylymdyq damý mınıstrliginen málim etti, dep habarlaıdy QazAqparat.
«Magıstraldyq jeliniń Qostanaı, Aqmola, Aqtóbe, Qaraǵandy, Semeı jáne Pavlodar bólimsheleriniń 7500-den astam temirjolshysy qalyń jaýǵan qardyń saldaryn joıýda. Temirjolshylar aıazǵa qaramastan táýlik boıy kúsheıtilgen rejımde jumys isteýde», - dedi mınıstrlikten.
Temirjolshylar joldar men baǵyttaýysh joldardy qardan tazartýda.
«Basty mindet - poıyzdar qozǵalysy kestesiniń buzylýyna jol bermeý jáne jyljymaly quramnyń úzdiksiz jáne qaýipsiz ótýin qamtamasyz etý. 23-25 aqpan aralyǵynda temir joldardan 80 myń tekshe metr qar shyǵaryldy. 359 birlik arnaıy tehnıka jumyldyryldy», - dedi vedomstvodan.