«7-20-25»: Shymkenttikterge baspana alýdyń talaptary túsindirildi

ShYMKENT. QazAqparat - Shymkentte turǵyndarmen «7-20-25» baǵdarlamasy boıynsha kezdesý ótti. Qalalyq turǵyn úı jáne turǵyn úı ınspektsııasy basqarmasynyń mamandary men birneshe bank ókilderi azamattarǵa atalǵan baǵdarlamanyń sharttaryn jan-jaqty túsindirdi, dep habarlaıdy QazAqparat tilshisi.

Kezdesýde Shymkent qalasynyń turǵyn úı jáne turǵyn úı ınspektsııasy basqarmasynyń bólim basshysy Gúlnár Áshirbaeva memlekettiń turǵyn úı saıasatyn jáne «7-20-25» baǵdarlamasynyń tıimdi tustaryn, ereje-sharttaryn tolyq baıandap berdi.

«Aldaǵy ýaqytta baspana kezeginde turǵandar úshin sanattar qysqarýy múmkin. Bárińizdi turǵyn úıge kezegine turýǵa shaqyramyn. Úkimet sizderge zor múmkindik usynyp otyr», - dedi Gúlnár Áshirbaeva.

Óz kezeginde turǵyndar mamandarǵa da kókeıde júrgen  saýaldaryn qoıyp, tushymdy jaýaptar aldy. Memlekettik qyzmetkerler, medıtsına jáne bilim salasynyń qyzmetkerleri negizinen tólem qabilettiligi, turǵyn úılerdiń sapasy, nesıe tarıhyna qatysty máselelerdi talqylady.

Aıta ketsek, «7-20-25» baǵdarlamasy boıynsha Shymkentte turǵyndarǵy 7 bank turǵyndarǵa qyzmet kórsetýde. Al «Turǵyn úı qurylys jınaq banki»  nesıelerdi 1 jeltoqsannan bastap bere bastaıdy dep kútilýde.