«7-20-25»: Mınıstr páter tapshylyǵyna qatysty aqparatqa jaýap berdi
Ortalyq kommýnıkatsııalar qyzmetinde ótken baspasóz máslıhatynda «Baspana» aktsıonerlik qoǵamynyń «7-20-25» baǵdarlamasyn iske asyrý úshin páterlerdiń joqtyǵy týraly aıtqany shyndyqqa janasady ma jáne búginde jaǵdaı rasymen solaı ma?» degen saýal qoıyldy.
«Osy jaıynda málimetti estigen bolatynmyn. Buǵan deıin atap ótkenimdeı, osy jyldyń sońyna deıin 100 myńnan astam baspanany tapsyramyz. Onyń 35 paıyzy jeke úıler bolsa, qalǵan 65 paıyzy kóppáterli turǵyn úıler. Sondyqtan jyldyń sońyna deıin eń az degende 65 myń kóppáterli úıler paıdalanýǵa beriletin bolady», - dedi Jeńis Qasymbek.
Onyń sózine qaraǵanda baǵdarlama aıasynda baspana tapshylyǵy bolmaıdy.
«Bizdiń oıymyzsha, «7-20-25» baǵdarlamasyna kerek bolsa, atalǵan úılerdiń jartysyn da bere alamyz. Atap aıtqanda, páter jetkilikti. Sáıkesinshe, baspana tapshylyǵy máselesi bolmaıdy», - dep túıdi Jeńis Qasymbek.
Budan buryn habarlanǵandaı, «Baspana» ıpotekalyq uıymynyń málimeti boıynsha baǵdarlama bastalǵaly tek eki aıda qatysýshy bankterge ıpoteka alýǵa 2562 ótinim kelip tústi. Onyń ishinde búginde jalpy 20 mlrd tengeden astam somaǵa 1695 ıpotekalyq qaryz berýge qoldaý jasaldy. Qalǵan ótinimder bankterdiń qaraýynda jatyr.