«7-20-25»: Ipotekalyq nesıeni onlaın rejimde maquldaý tetigi engiziledi

ASTANA. QazAqparat - «7-20-25» baǵdarlamasy aıasynda zaemdy onlaın rejimde aldyn ala maquldaý tetigi ázirlenýde. Bul týraly Parlament Senatynda áleýmettik turǵyn úı satyp alý múmkindikterin keńeıtýge arnalǵan dóńgelek ústelde «Baspana» ıpotekalyq uıymy» AQ basqarma tóraǵasy Qaırat Altynbekov málim etti, dep habarlaıdy QazAqparat tilshisi.

«Qazirgi ýaqytta Qazaqstan azamattary úshin «7-20-25» baǵdarlamasy boıynsha zaemdy onlaın rejimde aldyn ala maquldaýdy iske asyrý tetigi ázirlenýde. Jobada áleýetti qaryz alýshyǵa qashyqtyqtan ıpotekalyq nesıe alý múmkindigin qarastyrýǵa ótinish berip, ekinshi deńgeıli bankterdiń maquldaýyn alýǵa jaǵdaı týǵyzatyn júıeni qurý kózdelgen», - dedi ol.

Osy oraıda áleýetti qaryz alýshynyń tólem qabilettiligin baǵalaý maqsatynda tıisti aqparatty alý úshin júıelerdi biriktirý eskerilip otyr.

«Júıe áleýetti qaryz alýshylarǵa bankterge barmaı-aq, qajetti anyqtamalardy jınamastan óziniń tólem qabilettiligin baǵalaýǵa, seriktes-bankterdiń maquldaýyn alýǵa jáne eń tıimdi bank pen talaptardy tańdaýǵa múmkindik beredi», - dedi Q. Altynbekov.

Júıede ıpotekalyq qaryz alýǵa ótinishter berý kezinde talap etiletin barlyq qujattar, anyqtamalar jáne esepter boıynsha elektrondyq muraǵat qurylady da qaǵaz qujattamalardy jınaýdyń ári saqtaýdyń qajettiligi bolmaıdy.

Aıta keteıik,qazirgi ýaqytta baǵdarlamaǵa eldiń barlyq óńirlerin qamtıtyn ekinshi deńgeıdegi 8 iri bank qatysýda.