7-20-25: «TsentrKredıt» banki ǵımaratyndaǵy uzyn-sonar kezekke túsinik berildi

ASTANA. QazAqparat – «TsentrKredıt» banki Astanadaǵy bólimshelerinde qalyptasqan «7-20-25» baǵdarlamasymen ótinim berýshilerdiń uzyn-sonar kezegine túsinik berdi, dep habarlaıdy QazAqparat tilshisi.

«10 aqpanda «TsentrKredıt«banki «7-20-25» baǵdarlamasynyń operatory bólgen lımıt aıasynda ótinim qabyldaýdy bastady. Búkil maquldanǵan ótinimder boıynsha nesıe qysqa ýaqyttyń ishinde beriledi. Lımıt ıgerilip bolǵannan keıin bank ótinim qabyldaýdy toqtatýǵa májbúr bolady. Óıtkeni lımıttiń syrtynda ótinim qabyldaýǵa quqyǵymyz joq», - dep jazylǵan banktiń baspasóz qyzmeti taratqan málimette.

Banktiń aqparaty boıynsha, baǵdarlamaǵa qatysatyn ózge bankterde ótinim qabyldaý áli bastalmaǵan.

«Osy baǵdarlamaǵa qatysatyn ózge bankter ótinim qabyldaý protsesin qaıta jandandyrmaǵandyqtan búgin «TsentrKredıt» bankiniń Astanadaǵy bólimshelerinde kezek qalyptasqany baıqalady», - delingen resmı málimette.

Eske salaıyq, Ulttyq bank «7-20-25» ıpotekalyq turǵyn úı baǵdarlamasy 2029 jylǵa deıin jalǵasatynyn aıtqan bolatyn. Alaıda, bolashaqta UB memlekettik baǵdarlamalarǵa qatysý úlesin tómendetpek.

«2021 jyly 7 baǵdarlamanyń beseýin qarjylandyrý toqtatyldy. Aıaqtalǵan baǵdarlamalardyń bıýdjeti 2,6 trln teńgeni qurady», - delingen Ulttyq bank tóraǵasy Ǵalymjan Pirmatov.

Vıdeodan alynǵan kadr