«7-20-25» baǵdarlamasyn iske asyratyn kompanııanyń ataýy bekitildi

ASTANA. QazAqparat - QR Ulttyq bank tóraǵasy Danııar Aqyshev jańa ıpotekalyq kompanııanyń ataýyn jarııalady. Atalǵan kompanııa «7-20-25» memlekettik baǵdarlamasymen aınalysady, dep habarlaıdy QazAqparat tilshisi.

QR Ulttyq bank tóraǵasy Danııar Aqyshevtiń aıtýynsha, «7-20-25» memlekettik baǵdarlamasy mamyr aıynda qabyldanady. «Kúni keshe Ulttyq banktiń basqarma otyrysynda baǵdarlama operatoryn - arnaıy kompanııany qurý týraly sheshim maquldandy. Atalǵan ıpotekalyq kompanııa «Baspana» dep atalady. Bankter jańa baǵdarlamany iske asyrýǵa daıyn. Tártip boıynsha ekinshi deńgeıli bankter halyqqa ıpotekalyq zaemdardy beredi. Al arnaıy ıpotekalyq kompanııa ol nesıelerdi satyp alady. Sóıtip, jyldyq ústemeaqy 7 protsentke túsedi. Barlyq zaemdar teńgemen beriledi», - dedi D.Aqyshev.

Onyń sózin qaraǵanda, jańa baǵdarlamaǵa baspanasy joq azamattar ǵana qatysa alady. Biraq árbir adamnyń tólem qabilettiligine basa nazar aýdarylady.

Aıta keteıik, Qazaqstan halqy Assambleıasynyń XXVІ sessııasynda QR Ulttyq bank tóraǵasy Danııar Aqyshev Prezıdentke «7-20-25» baǵdarlamasy týraly aıtyp berdi.

Memleket basshysy atalǵan bastama aıasynda arzan ıpotekany aldymen jas otbasylarǵa berýdi usyndy.