«7-20-25» baǵdarlamasymen satylatyn turǵyn úılerdiń tizimi jarııalandy

NUR-SULTAN. QazAqparat - «Baspana» Ipotekalyq uıymy» AQ «7-20-25» baǵdarlamasy arqyly páter satyp alýǵa bolatyn elimizdegi turǵyn úılerdiń tizimin jarııa etti, dep habarlaıdy QazAqparat tilshisi.

Ipotekalyq uıym málimetinshe, qazirgi ýaqytta Nur-Sultan, Almaty, Shymkent qalalary men elimizdiń 10 oblysynda atalǵan baǵdarlama arqyly 1789 páterdi satyp alýǵa bolady. Turǵyn úılerdiń basym bóligi, naqty aıtqanda 59-y Almaty qalasynda, al 4-eýi Nur-Sultan qalasynda ornalasqan.

Aıta keteıik, jyldyq ústemesi 7 paıyzdy quraıtyn, 25 jylǵa 20 paıyzdyq bastapqy jarnamamen beriletin ıpotekalyq turǵyn zaımyn 2018 jyldyń 4 shildesinen bastap elimizdiń ekinshi deńgeıli bankteri bere bastaǵan edi. QR Ulttyq bank málimetinshe, osy ýaqytqa deıin, qaryz alýǵa 125,3 mlrd teńge somasyna 11 021 ótinish qabyldandy. Onyń ishinde 75,2 mlrd teńge somasyna qaryz berýge 6 450 ótinish maquldandy.