7-20-25 baǵdarlamasymen páter alýǵa 33 myń adam ótinim bergen
12:38, 01 Shilde 2020
NUR-SULTAN. QazAqparat - Qazaqstanda «7-20-25» baǵdarlamasy sheńberinde qaryz berýge 33 355 ótinim qabyldandy, dep habarlaıdy QazAqparat Ulttyq bankke silteme jasap.
«7-20-25» baǵdarlamasyn iske asyrý sheńberinde 2020 jylǵy 30 maýsymdaǵy jaǵdaı boıynsha qaryz alýǵa 382,69 mlrd teńge somasyna 33 355 ótinim qabyldandy. Nátıjesinde 226,55 mlrd teńge somasyna qaryz berýge 19 580 ótinim maquldandy.
«7-20-25» baǵdarlamasy boıynsha suraqtar týyndasa, «Qazaqstan ornyqtylyq qory» AQ-na + 7 (727) 227-20-25 nómiri boıynsha táýlik boıy habarlasýǵa bolady.
Sonymen qatar ıpotekalyq uıymnyń resmı ınternet-resýrsynda myna silteme boıynsha qosymsha aqparatpen tanysa alasyz.