«7-20-25» baǵdarlamasymen 38,4 myń ótinim maquldandy – Ulttyq bank
19:35, 04 Tamyz 2021
NUR-SULTAN. QazAqparat – Qazaqstanda «7-20-25» turǵyn úı ıpotekalyq baǵdarlamasy boıynsha 66 myńǵa jýyq ótinim qabyldandy. Bul týraly QR Ulttyq bankinen málim etti, dep habarlaıdy QazAqparat.
«2021 jylǵy 29 shildedegi jaǵdaı boıynsha , «7-20-25» baǵdarlamasyn iske asyrý aıasynda 804,4 mlrd teńgege nesıe alýǵa 65 913 ótinish qabyldandy. Onyń ishinde 470,7 mlrd teńgege 38 461 nesıe maquldandy», - delingen UB habarlamasynda.
«7-20-25» baǵdarlamasy boıynsha «Qazaqstannyń ornyqtylyq qory» AQ + 7 (727) 227-20-25 nómirine táýlik boıy habarlasýǵa bolady. Sonymen qatar qosymsha aqparat ıpotekalyq uıymnyń resmı ınternet-resýrsynda qoljetimdi.