«7-20-25» baǵdarlamasy: Jeti bankke ótinish berýge bolady

ASTANA. QazAqparat – Qazaqstannyń ornyqtylyq qory «7-20-25» baǵdarlamasyna neshe bank qatysatynyn aıtty, dep habarlaıdy QazAqparat tilshisi.

Qordyń málimeti boıynsha, bıyl bul baǵdarlamany iske asyrýǵa 100 mlrd teńge bólingen. Onyń 25 mlrd teńgesi alǵashqy úsh aıda ıgerilýi kerek.

«Birinshi toqsannyń lımıti 25 mlrd teńge mólsherinde bekitilgen. Bankter sonyń aıasynda jumys isteıdi. Bankter bul baǵdarlama boıynsha 2023 jyldyń basynan 10 aqpanǵa deıin 11,2 mlrd teńge nesıe ber», - dep jazylǵan qordyń baspasóz qyzmeti usynǵan málimette.

Qor ókilderi búginge deıin atalmysh baǵdarlama boıynsha óte kóp ótinim túskenin eske salady.

«Ár bank óz ishki protsesterine saı jumys isteıdi. Máselen buǵan deıingi ótinimderdi qabaldap bolǵannan keıin ǵana jańa ótinimderdi qabyldap jatyr. Lımıtter bankterdiń berge ótinimi boıynsha beriledi. ıAǵnı byltyrǵy jyldyń kórsetkishterine taldaý jasaı otyryp, bıyl ıgere alatyn somaǵa ótinim túsiredi. Lımıtter sol ótinim boıynsha belgilenedi. Baǵdarlamaǵa ótinim qabyldaıtyn merzimdi ózindegi ishki protseske qarap ár bank ózi sheshedi», - dep túsindirdi qor ókilderi.

Qazaqstannyń ornyqtylyq qory usynǵan aqparat boıynsha, qazir «7-20-25» baǵdarlamasyna «Halyq bank», TsantrKredıt» banki, «Frıdom fınans», «RBK Bank», «Eýrazııalyq bank», «Fortebank», «Altyn bank» qatysyp jatyr.

Eske salsaq, «7-20-25» baǵdarlamasy 2029 jylǵa deıin jalǵasady.