«7-20-25» baǵdarlamasy boıynsha nesıege myńnan asa ótinish maquldandy
17:14, 20 Tamyz 2018
ASTANA. QazAqparat - «7-20-25» memlekettik baǵdarlamasy sheńberinde nesıe berýge 1 026 ótinish maquldandy, dep habarlaıdy QazAqparat tilshisi Ulttyq banktiń baspasóz qyzmetine silteme jasap.
«7-20-25» baǵdarlamasyn iske asyrý sheńberinde 2018 jyldyń 20 tamyzyndaǵy jaǵdaı boıynsha qaryz alýǵa 18,6 mlrd teńgelik somaǵa 1 586 ótinish qabyldandy. Onyń ishinde 11,9 mlrd teńge somaǵa qaryz berýge 1 026 ótinish maquldandy», - delingen habarlamada.
Ulttyq banktiń baspasóz qyzmetinen habarlanǵandaı, «7-20-25» baǵdarlamasy boıynsha suraqtar boıynsha «Baspana» ıpotekalyq uıymyna + 7 (727) 227-20-25 nómiri boıynsha táýlik boıy habarlasýǵa bolady. Sonymen qatar, azamattar ıpotekalyq uıymnyń resmı ınternet-resýrsynda baspana72025.kz siltemesi boıynsha qosymsha aqparatpen tanysa alady.
Eske sala ketsek, búgin Almatyda ótken baspana kongresinde jyljymaıtyn múlik naryǵyna qatysýshylar «7-20-25» baǵdarlamasyn talqylaǵan bolatyn.