«7-20-25» baǵdarlamasy boıynsha ıgerilmegen qansha qarajat qaldy – UB jaýaby

ASTANA. QazAqparat – «7-20-25» baǵdarlamasyna túsken ótinimder somasy qalǵan aqshadan asyp ketti. Ulttyq banktiń basqarma tóraǵasy Ǵalymjan Pirmatov arnaıy brıfıngide osyndaı málimet aıtty, dep habarlaıdy QazAqparat tilshisi.

Ulttyq bank «7-20-25» baǵdarlamasynyń taǵdyryn qalaı sheshpekshi. Bólingen qarajat aıaqtalǵansha jalǵasa ma, álde jańa jyldan keıin toqtatyla ma?», - dep surady jýrnalıst.

Ǵalymjan Pirmatovtyń aıtýynsha, qazirdiń ózinde bul baǵdarlama boıynsha túsken ótinimderdiń somasy qalǵan qarajattan kóp.

«Buǵan deıin de málimdegenimizdeı, aqsha tolyq ıgerilgenin kútemiz. Esterińizde bolsa, Ulttyq bank pandemııa kezinde ekonomıkany qoldaýǵa qatysqan bolatyn. Biz 7 birdeı baǵdarlamanyń bir bóligi boldyq. Onyń beseýi aıaqtalyp qoıdy. Endi eki baǵdarlama qaldy. Biz buryn málimdegenimizdeı, bul baǵdarlamalardan josparly túrde shyǵa beremiz. «7-20-25» baǵdarlamasynan biz bólingen aqsha tolyq ıgerilip bitkende shyǵamyz. Naqty qashan shyǵatynymyz aqshanyń qanshalyqty jyldam ıgerilgenine baılanysty bolady. Meniń esimde bolsa, ótinimderdiń somasy baǵdarlamadnyń qalǵan qarajatynan asyp ketken bolýy kerek», - dedi Ulttyq bank basshysy.