«7-20-25» baǵdarlamasy boıynsha 17,4 myń ótinim maquldandy

ALMATY. QazAqparat – «7-20-25» baǵdarlamasy boıynsha nesıe alýǵa 29 756 ótinim qabyldandy, dep habarlaıdy QazAqparat QR Ulttyq bankiniń baspasóz qyzmetine silteme jasap.

«7-20-25» baǵdarlamasyn iske asyrý sheńberinde 2020 jylǵy 30 sáýirdegi jaǵdaı boıynsha nesıe alýǵa 338,81 mlrd teńge somasyna 29 756 ótinim qabyldandy. Nátıjesinde 200,20 mlrd teńge somasyna qaryz berýge 17 430 ótinim maquldandy»,– dep habarlady Ulttyq bank.

Eske salaıyq, «7-20-25» baǵdarlamasy boıynsha turǵyn úıdi turaqty kirisi bar jáne ótinish berý kezinde jeke baspanasy joq Qazaqstan azamaty ǵana ala alady. Baǵdarlama boıynsha syıaqy mólsheri jylyna - 7%. Ipotekalyq nesıe boıynsha bastapqy jarna - 20% bastap. Nesıe merzimi - 25 jyl.