«7-20-25» baǵdarlamasy boıynsha 15 myńǵa jýyq ótinim maquldandy

ALMATY. QazAqparat - «7-20-25» baǵdarlamasy sheńberinde nesıe berýge 14 836 ótinim maquldandy, dep habarlaıdy QazAqparat QR Ulttyq bankiniń baspasóz qyzmetine silteme jasap.

«7-20-25» baǵdarlamasyn iske asyrý sheńberinde 2020 jyly 23 qańtardaǵy jaǵdaı boıynsha nesıe alýǵa 287,1 mlrd teńge somasyna 25 354 ótinim qabyldandy. Onyń ishinde 169,9 mlrd teńge somaǵa nesıe berýge 14 836 ótinim maquldandy, 144 mlrd teńge somaǵa 12 523 nesıe berildi», delingen habarlamada.

Eske salaıyq, 7-20-25 baǵdarlamasy boıynsha turǵyn úıdi turaqty kirisi bar jáne ótinish berý kezinde jeke baspanasy joq Qazaqstan azamaty ala alady. Baǵdarlama boıynsha syıaqy mólsherlemesi jylyna - 7%. Ipotekalyq nesıe boıynsha bastapqy jarna - 20% bastap. Nesıe merzimi - 25 jyl.