«7-20-25» baǵdarlamasy boıynsha 15,7 myń ótinim maquldandy
19:42, 20 Aqpan 2020
ALMATY. QazAqparat - «7-20-25» baǵdarlamasy boıynsha nesıe alýǵa 26 618 ótinim qabyldandy, dep habarlaıdy QazAqparat QR Ulttyq bankiniń baspasóz qyzmetine silteme jasap.
«7-20-25» baǵdarlamasyn iske asyrý sheńberinde 2020 jylǵy 13 aqpandaǵy jaǵdaı boıynsha nesıe alýǵa 301,6 mlrd teńge somasyna 26 618 ótinim qabyldandy. Nátıjesinde 180,2 mlrd teńge somasyna qaryz berýge 15 724 ótinim maquldandy», delingen habarlamada.
Atalmysh baǵdarlama boıynsha suraqtarǵa «Baspana» ıpotekalyq uıymy + 7 (727) 227-20-25 nómiri boıynsha táýlik boıy jaýap beredi.
Eske salaıyq, 7-20-25 baǵdarlamasy boıynsha turǵyn úıdi turaqty kirisi bar jáne ótinish berý kezinde jeke baspanasy joq Qazaqstan azamaty ala alady. Baǵdarlama boıynsha syıaqy mólsherlemesi jylyna - 7%. Ipotekalyq nesıe boıynsha bastapqy jarna - 20% bastap. Nesıe merzimi - 25 jyl.