«7-20-25» baǵdarlamasynyń 2024 jylǵy bıýdjeti bekitildi

<p>2023 jylǵy 25 jeltoqsanda Ulttyq Bank &laquo;7-20-25&raquo; ıpotekalyq kredıtteý baǵdarlamasyn iske asyrý týraly qaýly qabyldady, dep habarlaıdy Kazinform QR UB baspasóz qyzmetine silteme jasap.&nbsp;</p>

«2023 jylǵy 25 jeltoqsanda Ulttyq Bank Basqarmasynyń № 104 qaýlysy qabyldandy, onda:

— 2024 jyly baǵdarlamany qarjylandyrýdyń jyldyq kólemin ruqsat etilgen eń joǵary deńgeıde 100 mlrd teńge mólsherinde belgileý jáne bıýdjetti toqsan saıyn 25 mlrd teńgeden bólý;

— baǵdarlama boıynsha 2024 jylǵy 1 qańtardan bastap berilgen ıpotekalyq qaryzdar boıynsha talap etý quqyqtaryn senimgerlik basqarǵany úshin bankterdiń syıaqysyn jyldyq 3%-dan 2,5%-ǵa deıin tómendetý kózdeledi. Bul túzetý baǵdarlama operatory — «Qazaqstannyń ornyqtylyq qory» AQ men baǵdarlamaǵa qatysýshy bankter arasynda belgilenetin quqyqtyq qatynastardy qozǵaıdy jáne azamattardy kredıtteý sharttaryna áser etpeıdi» delingen habarlamada.

Aıta keteıik, baǵdarlama 2018 jyly jumys isteıtin azamattardy 25 jylǵa deıingi merzimmen jáne 20%-dan bastalatyn bastapqy jarnamen 7%-dyq jeńildikti mólsherleme boıynsha qoljetimdi ıpotekamen qamtamasyz etý úshin iske qosylǵan.

2023 jylǵy 28 jeltoqsandaǵy jaǵdaı boıynsha baǵdarlama aıasynda 974,1 mlrd teńgege 71 699 jeńildikti qaryz berildi.

Qaýlynyń tolyq mátinimen QR UB saıtynda tanysýǵa bolady.