«7-20-25» baǵdarlamasymen bes myń ıpoteka zaımy beriledi – Qurylys mınıstri

<p>ASTANA. KAZINFORM &ndash; Ónerkásip jáne qurylys mınıstri Qanat Sharlapaev turǵyn úı zaımdaryna kózdelgen qarajatqa qatysty túsinik berdi.</p>

«Jyldyq 2 jáne 5% mólsherdegi jeńildikpen turǵyn úı ıpotekasyna 7 myńǵa jýyq zaım berýge 81 mlrd teńge bólindi. Al «Otaý» ıpotekalyq baǵdarlamasy boıynsha 9%-ben 150 mlrd teńge somasyna 8 myń qaryz berý kózdelip otyr», - dedi Qanat Sharlapaev Úkimet otyrysynan keıin ótken baspasóz máslıhatynda saýalǵa jaýap bere otyryp. 

Sondaı-aq, mınıstr «7-20-25» turǵyn úı baǵdarlamasy boıynsha 100 mlrd teńge somasyna 5 myńǵa jýyq zaım beriletinin aıtty. 

«Osylaısha bıyl turǵyn úı qurylysyn damytýǵa 1 trln teńgeden astam qarajat jumsaldy. Bul 64 myń azamattyń baspana máselesin sheshýge múmkindik beredi», - dep tolyqtyrdy vedomstvo basshysy. 

Buǵan deıin Q. Sharlapaev mamyrda jańa ıpotekalyq turǵyn úı baǵdarlamasynyń iske qosylatynyn aıtty.