7-20-25: Baǵdarlama aıasynda 10 482 ótinim maquldandy
14:41, 12 Qyrkúıek 2019
NUR-SULTAN. QazAqparat – «7-20-25» baǵdarlamasy aıasynda qaryz berýge 10 482 ótinim maquldandy. Bul jaıynda QR Ulttyq banki baspasóz qyzmetinen málim etti, dep habarlaıdy QazAqparat tilshisi.
«7-20-25» baǵdarlamasyn iske asyrý aıasynda 2019 jylǵy 5 qyrkúıektegi jaǵdaı boıynsha, 201,3 mlrd teńge somaǵa qaryz alýǵa 17 804 ótinim qabyldandy. Onyń ishinde 120,3 mlrd teńge somaǵa qaryz berýge 10 482 ótinim maquldandy» delingen Ulttyq bank málimetinde.
Aıta keteıik, «7-20-25» baǵdarlamasy boıynsha suraqtar týyndasa «Baspana» ıpotekalyq uıymyna» táýlik boıy jumys isteıtin +7 (727) 227-20-25 nómiri boıynsha ótinish bere alasyz. Sonymen birge ıpotekalyq uıymnyń resmı ınternet-resýrsynda qosymsha aqparatpen tanysýǵa múmkindik bar. Esterińizge sala ketsek, «7-20-25» - Qazaqstan aýmaǵynda áreket etetin ıpotekalyq baǵdarlama. Atalmysh qujat QR Tuńǵysh Prezıdenti - Elbasy Nursultan Nazarbaevtyń «Prezıdenttiń bes áleýmettik bastamasy» atty halyqqa úndeýinde aıtylǵan birinshi bastamany iske asyrý aıasynda ázirlengen.