7-20-25: Almaty oblysynda alǵashqy jarnanyń jartysy sýbsıdııalanady

TALDYQORǴAN.QazAqparat - Almaty oblysynda bıýdjet qyzmetkerleri úshin «7-20-25» baǵdarlamasynyń alǵashqy jarnasynyń jartysy sýbsıdııalanady. Atalǵan baǵdarlama arqyly úı alý úshin áleýmettik sala qyzmetkeri alǵashqy jarnaǵa 2 mln teńge tóleýi tıis bolsa, onyń bir mıllıon teńgesin ákimdik tólep beredi. Halyqty baspanamen qamtýǵa baǵyttalǵan mundaı iske 2 mlrd teńge bólinedi, dep habarlaıdy QazAqparat tilshisi.

Eskeretin jaıt, ákimdik qarjyny ósimsiz nesıe arqyly beredi. ıAǵnı, baspana alýshy alǵan aqshany belgili bir ýaqyt aralyǵynda qaıtarýy tıis. Oblys ákimdigi alǵashqy jarnany tóleýge kómek berip otyr jáne qarajatty paıyzsyz beredi. Osyǵan oraı búgin oblys ákimi Amandyq Batalov pen «Baspana» ıpotekalyq uıymy» AQ basqarma tóraǵasy Qaırat Altynbekov birlesken memorandýmǵa qol qoıdy. Almaty oblysynyń ákimi bul múmkindikti baspanaly bolýdy armandaǵan halyqtyń barlyǵy qulaǵdar bolýy tıis dep qaramaǵyndaǵylarǵa nasıhattaý jumystaryn kúsheıtýdi tapsyrdy.

«Elbasy Nursultan Ábishuly Nazarbaev óz Joldaýynda ákimderdiń jumysyn «7-20-25» baǵdarlamasynyń óńirlerdegi oryndalý nátıjelerine qarap baǵalaıtynyn aıtty. Sondyqtan aýdan, qala ákimderi osy baǵyttaǵy jumysqa bilek túre kirisýi kerek. Maǵan aýdan, qalalar boıynsha turǵyn úı baǵdarlamasyna qatysýǵa bildirilgen ótinimder men berilgen zaımdar týraly apta saıyn esep beriletin bolsyn. Oblystaǵy bıýdjettik salada jumys isteıtin azamattarymyzǵa, sonyń ishinde muǵalimderge, dárigerlerge qoldaý retinde alǵashqy jarnany sýbsıdııalaý týraly sheshim qabyldadyq, ıaǵnı 20%-tiń 10%-in biz ózimizge alamyz. Ol úshin turǵyn úı sertıfıkaty túrinde qaıtarymdy negizde uzaq merzimge protsentsiz nesıe beriledi. Bul iske biz 2 mlrd. teńge baǵyttaımyz. Shamamen 500 myń sharshy metr bolatyn qoljetimdi turǵyn úı salynady», - dedi A. Batalov 

Munan soń sóz alǵan «Baspana» ıpotekalyq uıymy AQ basqarma tóraǵasy Q. Altynbekov turǵyn úı baǵdarlamasynyń qalaı oryndalyp jatqany týraly áńgimeledi.

«Memleket basshysynyń «7-20-25» baǵdarlamasyna qatysty birinshi áleýmettik bastamasyn júzege asyrý sheńberinde 40 mlrd. teńgeden astam somaǵa ótinim qabyldanǵan. Olardyń ishinde bank 28 mlrd. teńgeden astam somany berýdi maquldady. Sonyń ishinde Almaty oblysy boıynsha bankter 640 mln. teńgelik 53 ótinimdi maquldady. Qazirgi kezde baǵdarlamaǵa 7 bank qatysýda. Olardyń kóshbasynda «Bank TsentrKredıt» AQ tur, búgingi kúni baǵdarlamany júzege asyrýǵa «Halyq banki» belsene kirisýde», - dedi Q.Altynbekov. 

«Baspana» IU» AQ ókiliniń aıtýynsha, eger turǵyn úı quny 10 mln. teńgeden aspasa, onda ıpotekalyq nesıe onyń 8 mln. teńgesin quraıdy, alǵashqy jarna retinde klıent mıllıon teńge quıady, al Almaty oblysynyń ákimdigi taǵy mıllıon teńge qosatyn bolady. Nátıjesinde aı saıynǵy tólem ıpoteka boıynsha 56 myń teńgeden aspaıdy. Óńirde qazirgi kezde «Qamqor baspana» jobasy sheńberinde ákimdik qoldaýyna bıýdjettik sala qyzmetkerleri talaptana alady.