672 astanalyq otbasy baspanaly bolady

ASTANA. QazAqparat - Elimizde «Qoljetimdi baspana» baǵdarlamasy iske asyrylýda. Byltyr onyń aıasynda elordada «Kezekte turǵandar men jas otbasylarǵa arnalǵan baspana qurylysy» baǵyty boıynsha 6 turǵyn úı keshenin salý qolǵa alyndy.

Ústimizdegi jyly qazan aıynda 672 jas otbasy Tilendıev dańǵylynyń ońtústigine qaraı ornalasqan jalpy aýdany 27,2 myń sharshy metr turǵyn úı kesheninde qonys toıyn toılaıtyn bolady. Sonymen qatar Saraıshyq kóshesiniń ońtústiginde jalpy aýdany 28,3 sharshy metr 430 páterlik turǵyn úı tapsyrylady. Bul týraly qalanyń qurylys basqarmasynan habarlady, dep jazady elorda ákimdiginiń resmı saıtynda. Basqarma ókilderiniń aıtýynsha, 2015 jyly Brýsılovskıı-Imanov-Jubanov kósheleriniń aýmaǵynda ornalasqan 272 páterlik turǵyn úı kesheni, sondaı-aq Sarybulaq ózeniniń boıynda Tilendıev dańǵylynyń ońtústiginde ornalasqan jalpy aýdany 14,6 myń sharshy metr 295 páterlik jáne jáne jalpy aýdany 22,9 myń sharshy metr 530 páterlik eki turǵyn úı kesheni paıdalanýǵa berilmek.