65% otandyq ǵalymnyń ǵylymı dárejesi joq

ASTANA. QazAqparat – Qazaqstandyq ǵalymdardyń tek 35 paıyzynyń ǵylymı jáne akademııalyq dárejesi bar.

Bul týraly «Ashyq» NQA portalynda jarııalanǵan 2023-2029 jyldarǵa arnalǵan joǵary bilim jáne ǵylymdy damytý tujyrymdamasynda jazylǵan, dep habarlaıdy QazAqparat tilshisi.

«2021 jylǵy derek boıynsha Qazaqstanda 21 617 ǵylymı qyzmetker jumys isteıdi. Onyń ishinde 17 092 zertteýshi maman bar. Olardyń tek 35 paıyzy ǵana ǵylymı jáne akademııalyq dárejege ıe», - delingen tujyrymdamada.

Bul máselelerdi sheshý maqsatynda mınıstrlik ǵylymı qyzmetkerlerdi yntalandyrý tetikterin engizý kerek dep esepteıdi.

Atap aıtqanda, granttyq jobalardy qarjylandyrý kólemin arttyrý men mamandardyń jalaqsyn kóterý boıynsha jumystar qolǵa alynady. Sonymen qatar, tujyrymdamada qyzmetkerlerdiń kásibı biliktiligin jetildirý isine de den qoıylatyny jazylǵan.

Qujatty ashyq talqylaý 3 naýryzǵa deıin jalǵasady.